Die Zahraffel hat e Schwester, des sei hier erwähnt, e ausgebufft Hinkel, sage die Leit. Nit umsunst hat se de Spitzname es Schinnos. Sie hat e frech Maul, aach wenn se in St. Ignaz die Kerch putzt un dem Parrer de Haushalt führt. Wenn se in die Kerch geht, guckt se immer nach unne, als wenn se kää Wässerche trübe könnt. Sie singt aach im Kerchechor mit. Neilich hat se der Zahraffel ääns übergehaue, weil die gesagt hat, sie wär e heuchlerisch Luder un dät de Messwoi aussaufe. Als se sich dann in de Kerch gekloppt hawwe, is se die Trepp zu de Empor runnergefalle, un seitdem hänge se vor Gericht.