Дьахтар суруйааччылар

Варламова Галина Ивановна — Кэптукэ (18.01.1951) — эбэҥки суруйааччыта. Тыл үөрэҕин билимин хандьыдаата. 1990 сылтан Саха Сирин суруйааччыларын Сойууһун чилиэнэ. Нууччалыы, сахалыы уонна эбэҥкилии суруйар.

Нельбисова Галина Васильевна (1961 төр.) — суруналыыс, суруйааччы. РФ суруналыыстарын уонна суруйааччыларын Сойууһун чилиэнэ. «Саха Сирэ» хаһыат салаатын редактора. 

Неустроева Анна Денисовна (03.03.1903—30.11.1947) — оҕо суруйааччыта, сахаттан бастакы дьахтар суруйааччы, ССРС суруйааччыларын сойууһун чилиэнэ, фольклору хомуйааччы, тылбаасчыт, общественнай диэйэтэл. 

Обутова-Эверстова Мария Петровна — драматург, 1993 сылтан Саха Республикатын суруйааччыларын Сойууһун чилиэнэ, Саха Республикатын Үөрэҕин туйгуна, Нам улууһун Бочуоттаах олохтооҕо. 

Сыромятникова Анастасия Саввична — сэһэнньит, Саха Республикатын уонна Российскай Федерация культуратын Үтүөлээх үлэһитэ, 1957 сылтан ССРС суруйааччыларын сойууһун чилиэнэ. 

Наталья Ивановна Харлампьева — саха норуодунай бэйиэтэ, Саха Сирин суруйааччыларын сойууһун бэрэссэдээтэлэ, Россия суруйааччыларын Сойууһун чилиэнэ. 

Михалёва Наталья Владимировна-Сайа (1964 төр.) — бэйиэт, прозаик уонна суруналыыс. Cаха Өрөспүүбүлүкэтин суруйааччыларын Сойууһун уонна суруйааччылар Норуоттар икки ардыларынааҕы сообществоларын чилиэнэ, Россия суруналыыстарын Сойууһун чилиэнэ.