Embedded Files
Эйэлээх олоҕу, тапталы, инники кэскили туойа сылдьыбыт саха суруйааччылара суос соҕотохто айар, суруйар оҥкуллара 1941 сыл бэс ыйын 22 күнүттэн тосту уларыйбыта. Ийэ дойдуну хаанымсах фашистартан саа-саадах тутан көмүскүүргэ саха суруйааччылара биир киһи курдук бэлэмнэрин биллэрбиттэрэ. Ол күнтэн ылата суруйааччы бөрүөтэ өргөстөөх ыстыыкка тэҥнэспитэ. Бу күүрээннээх күннэргэ буойун суруйааччылар бойобуой сүрэхтэниини эрдээхтик ааhан, бэйэлэрин хорсун патриот быhыытынан көрдөрбүттэрэ. Кинилэр төһө да өлөр-тиллэр тыҥааhыннаах быhыыга-майгыга сырытталлар, төрөөбүт Ийэ дойдуларын кытта сибээстэрин быспатахтара.
Сэрии тыйыс түгэннэрин, хабыр охсуhууларын республика хаhыаттарыгар таhаартараллара, сэрии туhунан дьиҥ кырдьыгы кэпсииллэрэ, дьоннорун-сэргэлэрин санаатын өрө көтөҕөллөрө.
Артамонов Иннокентий Иванович (1928.11.21-2006) - хоһоонньут, тылбаасчыт. Саха Өрөспүүбүлүкэтин култуура үтүөлээх үлэһитэ, ССРС суруйааччылар союзтарын чилиэнэ.
Бродников Алексей Спиридонович (26.02.1917 – 25.06.1998) – поэт, прозаик. СӨ оскуолаларын үтүөлээх учуутала. 1965 сылтан ССРС Суруйааччыларын Сойууһун чилиэнэ.
Данилов Софрон Петрович (19.04.1922 - 7.09.1993) - народнай суруйааччы, общественнай деятель, Российскай Федерация культуратын үтүөлээх үлэһитэ, Максим Горькай аатынан РСФСР Государственнай бириэмийэтин, Платон Ойуунускай аатынан Саха АССР Государственнай бириэмийэтин, ССРС ГКСБК бириэмийэтин, Саха комсомолун бириэмийэтин лауреаттара. Норуоттар Доҕордоһуулара, Үлэ Кыһыл Знамята, “Бочуот знага” орденнарынан, үгүс медалларынан наҕараадаламмыта.
Кудрин Архип Георгиевич — Абаҕыыныскай (7 (20).01.1907 - 22.09.1960) - поэт, тылбаасчыт
Кузьмин Макар Иванович – Макар Хара (26.04.1915 — 26.08.1981) — бэйиэт, тылбаасчыт, Кыһыл Сулус уордьан кавалера.
Кулачиков Серафим Романович - Эллэй (29.11.1904 — 14.12.1976) — саха народнай поэта, тылбаасчыт, Октябрьскай Революция, Үлэ Кыһыл Знамята, Норуоттар доҕордоһууларын, Бочуот Знага орденнар кавалердара, ССРС суруйааччыларын Союһун чилиэнэ.
Макаров Гавриил Иванович - Дьуон Дьаҥылы (27.02.1914 - 06.03.1956) – поэт уонна тылбаасчыт, ССРС Суруйааччыларын сойууһун чилиэнэ.
Никифоров Исай Прокопьевич (01.05.1915-03.09.1976) - прозаик, драматург, Саха Республикатын культуратын үтүөлээх үлэһитэ
Никифоров Семен Осипович (27.08.1923 — 15.08.1980) - саха суруйааччыта, Саха АССР культуратын үтүөлээх үлэһитэ, ССРС суруйааччыларын чилиэнэ
Саввин Степан Афанасьевич – Күн Дьирибинэ (24.12.1903—22.04.1970) — саха биллиилээх бэйиэтэ, үгэһитэ, тылбаасчыта, ССРС суруйааччыларын Сойууһун чилиэнэ
Cедалищев Никифор Кирикович – Дьүөгэ Ааныстыырап (29.01.1913—1944) – саха суруйааччыта, прозаик
Cлепцов Николай Дмитриевич – Туобулаахап (07.09.1912 — 16.12.1964) — суруйааччы, драматург, Саха АССР искусствотын үтүөлээх диэйэтэлэ
Сметанин Тимофей Егорович (25 ноября 1919 — 04 августа 1947) - поэт, прозаик, драматург.
Соловьев Василий Сергеевич – Болот Боотур (15.04.1915 - 24.05.1993) - учуутал, народнай суруйааччы, прозаик.
Степанов Николай Иванович (20.05.1897—06.01.1975) - норуот ырыаһыта, олоҥхоһута, ССРС суруйааччыларын союһун чилиэнэ
Тимофеев Степан Иванович (07.01.1921—26.12.2012) - поэт, тылбаасчыт. Саха Республикатын культуратын үтүөлээх үлэһитэ, ССРС бэчээтин туйгуна
Тобуроков Петр Николаевич - Бүөтүр (25.10.1917 — 6.03.2001) — Саха народнай поэта, ССРС суруйааччыларын Союһун чилиэнэ
Шамшурин Юрий Иванович (18.01.1921 - 27.02.1973) - Прозаик, тылбаасчыт, ССРС суруйааччыларын чилиэнэ
Эртюков Иннокентий Илларионович (24.11.1916, Таттинский улус – 06.06.1991) - поэт, тылбаасчыт, журналист, Саха Республикатын культуратын үтүөлээх үлэһитэ
Page updated
Google Sites
Report abuse