Reflections

Reflections

Teia taaku i kite mai no runga i teia apii, e toru aku tuanga ka autara atu. Te tua kare e mako ana, te tua meitaki e te mea openga tetai au tuanga taaku i manako ei tauturu i te akameitaki atu te turanga o teia apii

Tua kare meitaki ana:

Iaku kare teia apii i mataora rava no te mea marie tikai e kare te vaerua inangaro te apii i te reo e rauka ana i te apai mai ki vao, no teia au tumu taaku i manako:

- Kare te nga Puapii i matutu meitaki i te apii i teia apii. Ae kua kite au e te amani ia nei rae teia apii inara kia marama raua e pupu Puapii teia e pera marama atu to ratou marama e te autara i te reo ia raua

- Rai anga o te tuatau no te akatano i te Puapii kare i te aronga e umuumu nei i te apii i te Reo, teia te aiteanga kua uri te Puapii ei Tamariki.

- Rai rava i te tuatau no te apai ke te manako ki tetai ngai ke rava kare e inangaro ia kia autara...no runga tikai i te tuanga tarere (assessment – diagnose, formative and summative). Kua marama keana te au puapii i teia au tu tarere, penei mee aronga ke ka tano ake paa

- Kare e kaveinga mou tikai no teia peapa, Rai rava te tienieni e pera te au pakau e rave ia nei i te taime okotai. Kare e mou ana te manako eaa tikai teia e rapua nei. E mea tetai inara kare te reira e akamaroiroi iana i te au ra katoatoa kia makirikiri ua ki te au aronga e apii nei i te reo.

- Te tuatau apii ka inangaro ia kia akatano ia teia eiaa kia akaea i te 12...aere rava e ora 4pm, kia kore e taruna te rare. E pera te epetoma kia kore e taii ki te akamata anga apii o te Kuaki airani nei

- Kia akapapa ia te USP i mua ake ka aere atu ei no runga tikai ta ratou website e te roro uira kia mako.

Tua meitaki:

- Manuia kua aere mai koe Ake no te akatano te kaveinga o teia apii, naringa kare kua uri ke te au mea katoatoa. Kua matau oki matau i te tu o ta matou e umuumu nei no te reo e pera kua matau katoa matou o te tu o te akamou anga i te reira.

- Kua makirikiri ua te au puapii no te amani parani apii no reira kare te reira e riro ana i te tamanamanata ia matou, ko te ngai puapinga i te akatango i te reo mua e te rua o te reo e ka akapeea koe i te apii anga e rua ravai.

- Kare e au tamariki/mapu ou i tomo mai ki roto, ngoia ua i te katoatoa i te ki te eaa te au mea te ka apii ia mai.

Au manako ei akameitaki atu teia apii:

- Kia noo rae koe e Ake i teia pupu e oti uatu teia peapa ki te openga. Na roto i teia ravenga e ki te papu ei koe tetai kaveinga mou. Kua marama au kare te turanga matutu e mako te aere anga mua inara kia akaaraara ua ia i te au tuatau katoatoa

- Akatau mai tetai au Puapii tu katau i te api i te reo e kia matutu tikai tona ki te pakari. Teia pupu o matou e au taunga no te reo, inara penei ake paa te pupu a muri mai tuke rae to ratou akatere anga.

- Kia akapapa ia te apiianga i te apii i te au popingi katoatoa. Taaku i kite kare rava i papa, no te mea panake panake te apiianga i teia apii.

- Me e reo maori re maori ua, mee reo papa a reo papaa ua, eiaa e kairoiro, inara te au akatau anga kia riro te reira ki roto i te reo Maori i te au atianga katoatoa.

- Eiaa e tuku te au..akamaroiroi atu rae kia aranga tu to tatou reo e pera kia riro mai tatou ei tiaki meitaki i te reo.

.....’taia tokotoko i te ruru paoa i te akapirianga rangi’........(‘hold on in what you believe to strengthen all relationships’..)