In nomine Domini. Ego Borrellus gracia Dei comes et marchio, donator. Magnum mihi gaudium est Domini laudare et glorificare et de meis rebus sanctam Dei Ecclesiam honorare adque concedere. Audientem predicacionem sanctorum patrum que elemosinam a morte liberat animam, cognocentem me peccati macula honustum compunctus divina pietatem ut pius et misericors sit Dominus in peccatis meis. Propterea dono adque concedo alaudem francum meum proprium ad Sancti Laurenti et Sancti Michaelis archangeli et Sancta Maria qui sunt illorum ecclesias fundatas in montem que vocant Sancti Laurenti qui est supra Terracia, qui mihi advenit per carta quod fecerunt mihi homines his nominibus Volballo et Lofredus et Sidela cum suis eredibus. Et sunt ipsas terras cultas et ermas cum kasas et curtes et ortos subreganeos cum pomiferis et vineas et arboribus et torculariis in comitatu Minorisa, infra termine Nespula. Et afrontat iamdicta omnia: de orientis ad ipsa Elzina que vocant de Bonemiro et in ipsa via, et de meridie in Montem Calvo vel ad ipsa Falconaria, et de occiduo in rio que vocant de Sancti Martini, et de circi ad ipsos Iungentes vel in territorio de Talamanca. Quantum infra istas afrontaciones includunt sic dono a predicto Sancti Laurenti et Sancti Micaelis archangeli et Sancta Maria ipsas terras cultas et ermas cum arboribus et casas cum curtes et illorum superpositos et ortos subreganeos et vineas cum pomiferis et torculariis cum earum franchitatem, quantum ipsos omines suprascriptos mihi carta fecerunt. In tale videlice racione sic dono iamdicta omnia quod teneant et possideant Eroigius sacer et Costabile et dare faciant ipsa tasca a predicto Sancti Laurenti et Sancti Michaelis et Sancta Maria et post obitum earum teneant ipsa linea qui Eroigius et Costabile ereditare debent et dare faciant ipsa tasca sicut superius resonat ab integre cum exiis vel regressiis earum et est manifestum. Volo enim omnia que subtexui in potestatem de Sancti Laurenti et Sancti Michaelis et Sancta Maria ut in perpetuum sint exinde honoratas sicut de ceteris alaudibus ecclesiasticis et munificensiis, ita tamen ud pro peccatis meis exorare non pigeant ut veniam ad remedium a Domino nostro Ihesu Christo adippisci amen. Quod si ego donator aut ullusque homo qui contra hanc ista donacione venerit pro inrumpendum aut qui ipsum servicium contempserit a predictos sanctos non hoc valeant vindicare set componant aut componam ad Sancti Laurenti et Sancti Michaelis et Sancta Maria iamdicta omnia in duplo sicut superius resonat cum omnem illorum inmelioraciones, et in antea ista donacione firma permaneat homnique tempore.

    Facta carta donacione IIII idus iunii, anno XVIIII regnantem Leutario rege.

    S+num Borrellus comes, qui ista carta donacione feci et firmare rogavi. S+num Sancio. S+num Miro. SSS. Reinaldus SSS.* S+num item Miro. SSS. Ervigius SSS.* Baio SSS.* Tassius presbiter SSS.*

    SSS. Baio scripsi et SSS. die et anno quod supra.

Font:  https://catcar.iec.cat/documents/edicio/llistaMan.action?request_locale=ca