Este 30 de outubro celebramos no IES Eduardo Pondal o Samagosto '24, con concursos de podcast terroríficos, castañada e xogos tradicionais!
Moitas grazas ao CPI As Revoltas e á Agrupación deportiva As Rías polo préstamo do material.
Os birlos
A goma
Tira-soga
A rá
O alumnado de 1º de Bacharelato asistiu á charla da UDC "Soño Máxico" descifrando os misterios dun descanso inolvidable, impartida por Carmen de Labra Pinedo e Daniel López López. Esta charla tivo como obxectivo adentrarse no fascinante mundo do sono e explorar a súa importancia para a saúde e o benestar. Nela abordáronse as bases científicas deste, dende o ciclo de soño REM ata as diferentes fases do non REM e como inflúen na nosa calidade de descanso. Tamén se explorou como o soño axeitado inflúe na saúde física e mental, incluíndo a regulación do estado de ánimo, o reforzo da memoria e a toma de decisións. Analizáronse os trastornos do sono comúns, como o insomnio e a apnea do sono. Así mesmo, ofreceron consellos prácticos para manter un horario de sono regular, crear un ambiente propicio para o descanso e mellorar a hixiene do sono. O uso excesivo de dispositivos electrónicos pode afectar a calidade do sono, polo que discutimos diferentes estratexias para mitigar este feito.
CURSO 24-25
Este Xaneiro o alumnado de 4º da ESO e 1º de Bacharelato ven de disfrutar do ski e o snowboard no pirineo aragonés.
No seguinte enlace podedes ver un bo resumo da viaxe!
x_PONTECESO.mov
O alumnado de 2º da ESO, na materia de Física e Química, ven de realizar unha práctica de composición dos alimentos máis consumidos polo alumnado. O obxectivo é concienciar da cantidade de azucre que consumimos sen ser conscientes e procurar alternativas máis saudables. Bo traballo!
O alumnado de 2ºCMAPSD realizou os días 06-03-2025 e 10-03-2025 uns talleres de primeiros auxilios nos cales lle ensinaron ó alumnado a poñer en práctica os coñecementos adquiridos durante o curso para manter a vida das víctimas ante unha situación de emerxencia. Realizaron prácticas de RCP, manobra de heimlich, vendaxes, técnicas de mobilizacións, etc.
Realizada entre o 8 e o 11 de abril, a semana cultural deste curso achegounos moitas novas experiencias: orientación deportiva, tiro con arco, judo, defensa persoal, sendeirismo e surf.
Aquí podes ver algunhas fotografías do ben que o pasamos!
O alumnado de 1º CMAPSD realizou os días 09-4-2025 e 11-04-2025 uns talleres de toma de constantes vitais para fomentar a importancia dos hábitos de vida saudables. Relacionaron os parámetros correctos das contantes vitais con levar a cabo unha dieta saudable, facer exercicio, durmir 8 h diariamente, etc. Os talleres foron impartidos ó alumnado de 1º e 2º da ESO.
O alumnado de 1ºCMAPSD realizou o 10-04-2025 un taller de comida saudable onde lle ensinou ós alumnos/as de 2º de FPB como levar a cabo unha dieta saudable e como poder facer uns menús que nos aporten a enerxía que necesitamos diariamente.
O 27 de abril démonos cita na praza da Ribeira de Corme unha delegación do IES Edudardo Pondal para participar da excepcional carreira polular do faro do roncudo. Disfrutamos dunha mañá de convivencia en familia e actividade física, ademais das estupenda contorna na que se realiza a proba, alá van algunhas fotos do equipazo!
O alumnado de 1º CMAPSD xunto co alumnado do mesmo ciclo do CIFP Leixa de ferrol realizou o xoves 15-05-2025 unha andaina dende aldea do Couto ata Balarés para fomentar os hábitos de vida saudables e ó mesmo tempo facer un intercambio entre os dous centros para falar das experiencias, entereses, motivacións. etc.
Este ano tampouco podía falta a nosa visita aos nosos amigos da Agrupación de Montañeiros Independentes, que fixeron que o noso alumnado de 2º da ESO disfrutase como nunca dun bautismo de escalada onde puderon probar as modalidades de boulder e deportiva. Agradecer á deputación de A Coruña e á Agrupación Deportiva As Rías pola facer accesible a actividade a todo o noso alumnado, foi unha mañá maravillosa!
