Perfil docente

• Presentación persoal.

Son profesora de inglés na EOI da Coruña. Gústanme moito as novas tecnoloxías, aprendar cousas novas e facelo colaborativamente.

Se tivese que definirme en tres palabras sería inqueda, xenerosa e curiosa.

• Traxectoria profesional/formación.

Antes de traballar na EOI, fun profesora de secundaria, corpo no que exercín só dous anos porque despois paseime para EOI. Estiven moitos anos por diferentes EOIs galegas ata aprobar a oposición en 2018.

Tamén son doutora en Filoloxía Inglesa. Desde sempre gustoume investigar e fago o que podo porque o traballiño é o primeiro;)

• Filosofía educativa.

Creo nas novas metodoloxías aplicadas ao ensino e algunhas delas como a semipresencialidade, o flipped classroom e a aprendizaxe baseada en proxectos aínda teñen que crecer moito nos nosos centros.

Tamén entendo que coma ensinante de linguas, o xeito máis efectivo para que o alumno aprenda é a práctica e o contacto directo co profesor e con outros alumnos.

• Obxectivos profesionais.

O máis inmediato é sacarlle o máximo partido a estas formacións para mellorar coma docente e a longo prazo gustaríame ver que os proxectos eTwinning lévanse a cabo en moitas EOIs galegas.

• Características do meu alumnado.

Este ano que estou impartido C1, nos tres grupos de semi teño moito alumnado universitario e a algún docente universitario. A meirande parte deles escolleron esta modalidade pola comodidade de vir un día ao centro. Están respondedo bastante ben. O que me preocupa é que moitos están tan agobiados con outras cousas que non poden seguir o curso ao ritmo que deberían.

• Experiencia avaliando ensino semipresencial.

Utilizo citerios semellantes ao baremo de certificación e tamén valoracións globais. O alumnado agradece moito as correcións con detalle. Fago avaliacións de diagnóstico e formativa ao longo do curso. Penso que é moi importante darlles feedback constante aos alumnos porque collen máis confianza en sí mesmos e acadan mellor os obxectivos.