Embedded Files
Aurrelanketa
Lehenik eta behin, zenbait aditurekin egin dugu lurraren azterketa: GaraiOn Sorgingunea, Kutxa Ekogunea eta Maïa Permaculture, hain zuzen ere. Atxutxiamaika kide den Oinherriko hirigintza foroan Itziar Gonzalez arkitekta eta urbanistarekin egindako formazioan prozesuari ekarpenak egin zizkion eta hobekuntzak egin genizkion.
Behin adituen aholkuak eta ekarpenak jaso ondoren, herriko zenbait eragilerekin egin genuen lehen topaketa, Sallobenten bertan. Udaleko Gazteri Saileko teknikaria, Udal Ludotekako hezitzaile bat, Elgoibarko Baso Biziak elkarteko kide bat eta "Gure natura ezagutuz" programako adituetako kide bat izan genituen bertan.
(Kutxa Ekoguneak eta Maïa Permaculturek egindako txostenen inguruan informaziorik nahiz izanez gero, 943741746 zenbakira deitu dezakezue, Naiararengatik galdetu)
Berdegunetik gertu bizi diren hiru bizilagunekin ere bildu ginen euren kezka eta ekarpenak jasotzeko. Izan ere, bizikidetza bermatzea ezinbestekoa izango baita, proiektuak irautea nahi badugu.
Zume-bizia
Elgoibarko Udalak, Udal Ludotekak eta Atxutxiamaikak, GaraiOn Sorgingunearekin elkarlanean, zume-bizidun egitura bat sortzeko parte hartze prozesua abiatu genuen martxoan. Gure asmoa umeekin batera diseinua sortu eta martxoan bertan landatzea bazen ere, izen emate kopuru baxua zela, eta landaketa egiteko udaberria edota udazkenak egokiak direla jakinda, prozesua motelago eta sakonagoa egitea erabaki da, udazkenera pasaz. Beraz, landaketa ere udazkenera atzeratu da.
Parte-hartzea taldeetan
Atxutxiamaikak parte hartzen duen Elgoibarko Hezkuntza Mahaian egin genuen planteamendua eta ontzat eman ondoren, ikastetxeekin jarri ginen harremanetan LMHko ikasleekin parte-hartze prozesua garatzeko. Horretarako, maila bakoitzeko hiru ordezkari bertaratu ziren saiora. Kukulaisiko eta Atxutxiamaikako hiru bidelagun elkartu ginen eta adinka: LH1-2, LH3-4 eta LH5-6, bildu ginen bakoitzaren natur aisialdiren inguruko diagnostiko labur bat egiteko eta denen artean berdegunearen diseinua sortzeko.
Nerabeekin ere horrela egin dugu. DBHko ikasleekin batu ginen Gaztelekuan eta bertako hezitzaileekin eta Atxutxiamaikako hezitzailearen laguntzaz prozesu bera eraman dugu aurrera.
Ordu eta erdiko saioak izan dira, gutxi gorabehera eta dinamika bera jarraitu dugu.
Taldetxoetan bildu eta zenbait galdera egin zaizkie; euren aisialdiaren inguruan, naturguneen erabileraren inguruan, behar eta interesen inguruan... Behin informazio hori jasota, berdegunean txertatuko lituzketen elementuak zerrendatu ditugu eta behin zerrenda osatuta, plano baten gainean sortu du taldetxo bakoitzak bere diseinua.
Ondoren, taldetxo bakoitzak egindako diseinua besteei azaldu die. Bukatzeko, errepikatu diren elementuak identifikatu dira.
Erabilitako baliabideak ikusi nahi badituzu, hemen topa ditzakezu. KLIK
IMG_2481.mp4
Ahozgoran parte hartu zuten gazteak
Gazte hauei euren proposamenetik abiatutako prozesu parte hartzailearen berri eman zaie eta gonbidapena egin zaie ekarpenak egitera.
Esan beharra dago berdegunea bera eta kokalekua ez direla euren gustukoak izan. Espazioaren erabilera egingo ez dutela aurreikusten dute. Izan ere, gazteek gertuago nahi dute berdunea. Bestalde, euren nahia interes komunak dituztenen arteko harremana ematea zen eta espazioa txikiegia ikusten dute horretarako espazio propioa eduki ahal izateko.
Orokorrean, umeentzako edota familientzako pentsatutako espazioa dela irizten diote.
Galdetegia eta erakusketa herritarrentzat
16 urtetik gorako herritarrenen iritzia ere jasotzeko helburuarekin, erakusketa bat jarri dugu Elgoibarko Kultur Kafean. Erakusketan, egitasmoa azaltzeaz gain, orainarte egindako diseinuak jarri ditugu ikusgai. Horrez gain, herritarren iritzia jasotzeko galdetegi bat sortu dugu eta galdetegi horra sarbidea ematen duen QR bat jarri dugu kafetegiko mahaietan parte hartzeko deia eginez.
Horrez gain, jubilatuen biltokiko lehendakariari ere azaldu zaio parte hartze prozesua eta euren sareetan ere zabaltzeko eskaera egin zaio.
ERAKUSKETA
GALDETEGIA
Page updated
Google Sites
Report abuse