Агульны план работы

Вэб-квэст будзе праходзіць у два этапы.

Задача першага этапу - пазнаёміцца з палешукамі- героямі рамана.

Для гэтага:

1. Уявіце сябе вандроўнікам (паколькі падарожнічаць весялей удвух, то запрасіце каго-небудзь з аднакласнікаў), які прыехаў у 20-я гады ХХ стагоддзя ў невялікую палескую вёсачку Курані. Ідучы па вузенькай гразкай вуліцы, вы сустрэліся з палешуком...

2. На старонцы Ролі ў раздзеле Заданні першага этапу выберыце апісанне знешнасці таго героя, з якім вы "сустрэліся". Раскажыце ў класе пра сваю "сустрэчу": што расказваў герой пра сябе, пра сваіх аднавяскоўцаў, пра падзеі, якія адбываюцца ў вёсцы і пра свае адносіны да гэтых падзей. Пры жаданні праінсцэніруйце сустрэчу.

3. Падумайце, якімі рысамі характару надзяліў аўтар выбранага вамі героя. Размясціце іх у апытванні на старонцы Цэнтральнае заданне.

4. Свае ўражанні ад сустрэчы з героем размясціце на слайдзе сумеснай прэзентацыі.

Задача другога этапу - выявіць, якім паказаў Палессе Іван Мележ у сваім творы, якія праблемы закрануў.

Для гэтага:

1. Выберыце для сябе адну з роляў ў раздзеле Заданні другога этапу і па гэтым прынцыпе аб’яднайцеся ў групы.
2. Уважліва азнаёмцеся з заданнямі для вашай групы. Прадумайце, якім чынам вы зможаце візуалізаваць свой аповед (стварыць прэзентацыю, калаж, газету, буктрэйлер і інш.)

3. Размяркуйце ролі ў групе:

дакладчык будзе выступаць ад імя групы,

дызайнер - займацца афармленнем,

рэцэнзент акцэнтуе ўвагу на крытэрыях ацэнкі работы і будзе задаваць пытанні іншым групам.

4. Пасля абароны групавых работ індывідуальна неабходна будзе выканаць цэнтральнае заданне. - размясціць на сумесным плакаце сваё разважанне на тэму "Палессе і палешукі ў рамане Івана Мележа "Людзі на балоце".