Як усім вядома, Беласнежка і сем гномаў сустрэліся ў лесе, у доміку гномаў, дзе Беласнежка засталася жыць. Пасля таго, як прынц чароўным пацалункам ажывіў дзяўчыну, ён узяў яе з сабой у замак! Усе ў замку былі адукаваныя, і прынц сказаў, што Беласнежцы таксама трэба вучыцца і адправіў яе ў краіну Слова, а каб яна не баялася і не была самотная, ён паслаў яе сяброў  —  сем гномаў. Краіна Слова прыгатавала для Беласнежкі і яе сяброў шмат займальнага і цікавага. Давайце адправімся з імі ў падарожжа і дапаможам ім у цяжкіх становішчах.