Sistemes d'evaluación

Esti proyeutu de gamificación va durar tou un trimestre y vamos facer munches misiones y retos polo que vamos necesitar sistemes d'evaluación de diversu tipu. Darréu hai tres esemplos de ferramientes d'evaluación que vamos usar abondo:

• Rúbrica d'evalución
• Diana d'autoevaluación pa los equipos
• Rúbrica de coevaluación pa los miembros de los equipos

Rúbrica d'evaluación

Esta ferramienta ye la más común a la hora d'evaluar al alumnáu. Les rúbriques nun son más que guíes de puntuación pa valorar el trabayu de les/os escolines/os. La siguiente rúbrica ye un exemplu que podemos utilizar durante'l proyeutu.

Diana d'autoevaluación pa los equipos

La diana d'autoevaluación ye un instrumentu perbonu pa que'l propiu alumnáu sea consciente del trabayu que tán (o que nun tán) faciendo. Esta ferramienta sírve-yos pa autoevaluase como grupu y ver si tienen qu' ameyorar en dalgún aspeutu.

Rúbrica de coevaluación pa los miembros de los equipos

Coles rúbriques de coevaluación les/os escolines/os puen valorar el trabayu de les/os sos collacies/os. Asina nun solo s'evalúen como grupu (como facíen cola diana d'autoevaluación) sinón que tamién s'evalúen individualmente. Darréu un exemplu d'esti tipu de ferramienta.

Evaluación final del proyeutu

Hasta esti momentu falamos namás de cómo evaluar al alumnáu, sicasí tovía nun-y prestamos atención a otru aspeutu perimportante: el propiu proyeutu y el llabor del profesoráu. La fase final de tou esti trabayu sedrá la d'evaluar si esta idea de gamificación furrula bien y si hai daqué qu'ameyorar. Pa ello vamos usar encuestes de satisfaición pal alumnáu y rúbriques d'autovaluación pal profesoráu. El siguiente documentu ye un exemplu d'encuesta.