Oxetivos:

• Conocer los estremaos aspectos de la cultura asturiana: xeografía, fauna, flora, mitoloxía, vezos, ritos, fiestes, gastronomía, oficios, construiciones, traxes…
• Identificar qué yera un filandón.
• Descubrir les partes y cacharros d'una llariega.

Narrativa:

Recreación d’un filandón tradicional nel que l’alumnáu percuerra los diferentes aspectos de la cultura asturiana. La narrativa ye'l filandón.

La misión consistirá en completar dafechu la semeya d'una llarera.

Contestualización:

Emplegaremos la semeya d’una llarera dividida en delles partes que dirán consiguiendo a midida qu’algamen diferentes pruebes en trabayu collaborativu. L’oxetivu ye completala pa consiguir la recompensa: una salida estraescolar.

Temporalización:

L’actividá ta empobinada pal cuartu cursu d’ESO y va desendolcase nel tercer trimestre. Sedrán 24 sesiones. A cada pieza’l puzle dedicaránse dos sesiones colo que quedarán tres sesiones pa les voluntaries (fadrémos 7 sesiones tipu + 1 sesión voluntaria + 7 sesiones tipu + 1 sesión voluntaria + 7 sesiones tipu + 1 sesión voluntaria final).

Desarrollu:

La gamificación va consistir en completar un puzle de la semeya d’una llariega. Pa ganar cada pieza del puzle, tendrán que llevar a cabo una misión. Cada misión cuenta con dellos retos. Estes son les misiones:

• cultura xeneral y xeografía (2 retos)
• fauna y flora (2 retos)
• mitoloxía (3 retos)
• vezos (3 retos)
• ritos (3 retos)
• fiestes y música (4 retos)
• gastronomía (4 retos)
• oficios (4 retos)
• construiciones (5 retos)
• traxes (5 retos)

Pa consiguir cada pieza han algamar polo menos la metá de los puntos totales de cada misión (tolos retos valen 45 puntos).

Pondrán dase xeres voluntaries pa procurar algamar les pieces que nel so momentu nun se consiguieron.