Espazos

A biblioteca

A biblioteca está no segundo andar, nas seccións de cada aula e na sala do profesorado, no espazo de lectura, nos espazos de lecer na entrada do instituto...

A biblioteca é un centro de recursos do instituto, un laboratorio de aprendizaxe, un espazo para ler, traballar, buscar información, xogar... Por iso está organizada en diferentes seccións. O mobiliario é versátil e diferente en cada espazo xa que responde ao tipo de actividades propostas para cada recuncho.

Espazo de lectura e escritura

• Neste recuncho poderedes ler e participar en obradoiros de escritura que se organicen nos recreos.
• Aquí están todos os libros de ficción agrupados por idiomas e xéneros.
• O mobiliario facilita a lectura individual ou en grupo.

Espazo para traballar e investigar

• Para traballar ou buscar información nos libros ou na rede.
• Atoparás todos os libros informativos.
• Os ordenadores e as tabletas están gardadas no moble de metal.
• Hai 22 mesas e 22 cadeiras amoreables.

Espazo creativo

• Este é un recuncho para pensar, crear, inventar...
• Hai diferente material manipulativo, paquetes de montaxe de robots ou lámpadas de enerxías renovables...
• O mobiliario está composto por estantes e caixóns co material, así como por dúas mesas que se poden pór a diferentes alturas e dez tallos.

Espazo para falar e escoitar

• Este espazo representa a praza dun pobo onde se poderá conversar e escoitar.
• Aquí está o croma para poder gravar, unha mesa coas súas cadeiras para facer pequenas reunións ou traballar en grupo.
• Neste recuncho está o laboratorio de radio.

Espazo de xestión

• Espazo para facer os préstamos e as devolucións.