Embedded Files
November is National Lung Cancer Awareness Month
Sa pagdiriwang ng National Lung Cancer Awareness Month tuwing Nobyembre, nagsagawa ang Department of Internal Medicine at ICU kasama ang Public Health Unit ng isang talakayan tungkol sa cancer sa baga.
Alam niyo ba?
🔷Ang lung cancer ang pangunahing sanhi ng kamatayan dulot ng kanser sa buong bansa.
🔷Mahalaga ang maagap na pagsusuri upang maagapan ito bago lumala.
🔷Ang paninigarilyo ang pangunahing sanhi ng lung cancer, ngunit maaari rin itong maiwasan sa tamang lifestyle.
Mga tips para mapanatili ang malusog na baga:
✅Iwasan ang paninigarilyo at secondhand smoke.
✅Mag-ehersisyo nang regular.
✅Uminom ng maraming tubig at kumain ng masusustansiyang pagkain.
✅Magpa-check-up kung nakararamdam ng ubo na hindi gumagaling, hirap sa paghinga, o pananakit ng dibdib.
Kung nais magpasuri sa baga, maaari kayong magpunta sa Outpatient Department ng Ospital ng Maynila Medical Center tuwing Martes para sa check-up. Huwag mag-atubiling mag-schedule upang mapanatili ang kalusugan ng inyong mga baga at maagapan ang anumang sintomas.
Para sa karagdagang impormasyon, makipag-ugnayan sa aming opisina. Sama-sama nating protektahan ang ating kalusugan!🩵
#TatakOMMC #OMMCPublicHealthUnit
World Diabetes Day
Tuwing Nobyembre 14, ginugunita natin ang World Diabetes Day upang itaas ang kamalayan tungkol sa isang malalang sakit na maaaring maiwasan at mapamahalaan — ang diabetes.
Isang lay forum ang isinagawa sa Outpatient Department ng Ospital ng Maynila, na pinangunahan nina Dr. Hermenegildo Gutierrez at Dr. Eulice Ang mula sa Department of Family and Community Medicine, kasama ang Public Health Unit, upang magbigay kaalaman at paalala tungkol sa sakit na ito.
Alam niyo ba?
🔷May 537 milyon na tao sa buong mundo ang may diabetes.
🔷Ito ay isang chronic na sakit na maaaring maiwasan sa tamang kaalaman at lifestyle.
🔷Ang mga pangunahing sanhi nito ay labis na timbang, kakulangan sa pisikal na aktibidad, at hindi tamang pagkain.
Mga Tips Para Maiwasan ang Diabetes:
✅Kumain ng balanced diet na puno ng prutas, gulay, at whole grains.
✅Panatilihin ang tamang timbang.
✅Mag-ehersisyo nang regular, mga 30 minuto araw-araw.
✅Iwasan ang sobra-sobrang pagkain ng matatamis at processed foods.
✅Magpa-check-up nang regular upang maagapan ang anumang sintomas.
Sa pagtutulungan natin, makakabawas tayo sa bilang ng mga may diabetes at mapapanatili ang kalusugan ng bawat isa.
Mag-ingat, magpatingin, at magsulong ng healthy lifestyle!🩵
#WorldDiabetesDay #TatakOMMC #OMMCPublicHealthUnit
National Skin Disease Detection and Prevention Week
Sa pangunguna ng Department of Dermatology kasama ang Public Health Unit, nagsagawa ng lay forum kaninang umaga sa OPD waiting area ng Ospital ng Maynila Medical Center. Isang magandang pagkakataon ito upang itaas ang kamalayan tungkol sa kalusugan ng ating balat at maagapan ang mga sakit na maaaring makapinsala rito.
Mga Tips para sa Skin Disease Detection at Prevention:
✨Mag-regular na mag-self check ng balat para sa mga pagbabago o kakaibang mantsa.
✨Panatilihing malinis at moisturized ang balat.
✨Iwasan ang sobrang exposure sa araw, gumamit ng sunscreen kapag lalabas.
✨Kumain ng balanced diet at uminom ng sapat na tubig.
✨Magpatingin sa dermatologist kung may nakitang abnormalidad sa balat.
Libre ang skin check mula 8:00 AM hanggang 9:00 AM, mula Nobyembre 10 hanggang 14, 2025. Huwag palampasin ang pagkakataong ito upang mapanatili ang kalusugan ng iyong balat!
#SkinDiseaseAwareness #OMMCPublicHealthUnit #TatakOMMC
Sa pakikiisa ng Ospital ng Maynila Medical Center at Department of Dermatology sa pagdiriwang ng National Skin Disease Detection and Prevention Week, inaanyayahan ang lahat sa isang Lay Forum on Common Skin Diseases.
📅November 12, 2025 (Wednesday)
⏰9:00 AM
📍Out Patient Department Lobby, Ospital ng Maynila Medical Center
May temang “Malusog na Balat Para sa Masiglang Bukas,” layunin ng aktibidad na ito na palawakin ang kaalaman ng publiko sa mga karaniwang sakit sa balat at hikayatin ang maagang pagpapatingin.
Magkakaroon rin ng Libreng Skin Check para sa mga pasyente at empleyado tuwing 8 hanggang 9 nang umaga mula Nov.10-14, 2025. Maraming salamat po!
BREAST CANCER AWARENESS CAMPAIGN
Bilang bahagi ng ating layunin na itaas ang kamalayan at mapanatili ang kalusugan ng bawat kababayang Pilipino, nagsagawa ang Public Health Unit ng Ospital ng Maynila Medical Center, katuwang ang Department of Surgery, Radiology, at Medical Social Services, ng isang espesyal na programa para sa mga empleyado ng ospital na nais magpa-breast health screening gamit ang breast Mammogram at Breast Ultrasound. Ito ay isang mahalagang hakbang upang agad na matukoy ang anumang pagbabago sa iyong dibdib.
Upang maiwasan ang breast cancer, narito ang ilang tips na dapat tandaan:
☑️Panatilihin ang healthy lifestyle: Kumain ng masusustansyang pagkain, iwasan ang processed foods, at mag-ehersisyo nang regular.
☑️Iwasan ang sobrang pag-inom ng alak at huwag manigarilyo.
☑️Magkaroon ng regular na check-up at self-breast examination buwan-buwan, lalo na sa panahon ng reproductive years.
☑️Panatilihin ang tamang timbang at iwasan ang sobrang katabaan.
☑️Magkaroon ng sapat na pahinga at iwasan ang stress.
Para naman sa ating mga kababayang nais magpasuri, maaari kayong magpunta sa Out Patient Department ng Ospital ng Maynila Medical Center tuwing Miyerkules para sa konsultasyon at agarang pagsusuri.
Protektahan ang iyong kalusugan, alamin ang iyong kalagayan, at mag-ingat laban sa breast cancer. Hindi hadlang ang edad o estado sa pagbibigay ng tamang atensyon sa iyong kalusugan.
#TatakOMMC #OMMCPublicHealthUnit #BreastCancerAwarenessMonth
Stay Protected Against Influenza-Like Illness (ILI)!
With the increasing cases of flu-like illnesses, Ospital ng Maynila Medical Center reminds everyone to stay vigilant and practice healthy habits.
Get vaccinated every year
Wash hands or use sanitizer often
Cover your coughs and sneezes
Eat healthy food
Avoid close contact with sick people
Stay home when sick
Let’s all do our part to prevent the spread of illness and keep everyone healthy!💪
OMMC Department of Pediatrics — Open House 2025!
The OMMC Department of Pediatrics welcomed aspiring pediatric residents during its Open House event, showcasing life and learning “the OMMC way.”
With inspiring messages from our OIC–Medical Center Chief, Dra. Grace H. Padilla, and engaging discussions with the department’s leaders, the event gave participants a glimpse into the compassionate and excellent pediatric training at Ospital ng Maynila Medical Center.
Food Safety Awareness Week
Tuwing ika-apat na linggo ng Oktubre, ginugunita natin ang kahalagahan ng ligtas, malinis, at de-kalidad na pagkain! Sa pangunguna ng Nutrition and Dietetics Section, kasama ang Public Health Unit (PHU) ng Ospital ng Maynila Medical Center, nagsagawa tayo ng Lay Forum sa OPD Waiting Area upang mas mapalawak ang kaalaman tungkol sa food safety.
Tandaan, ang tamang paghuhugas, tamang pagluluto, at maingat na pagpili ng pagkain ay mahalaga upang maiwasan ang sakit na dulot ng pagkain.
Mga Tips para sa Food Safety:
✅Hugasan nang maigi ang mga prutas at gulay bago kainin o lutuin.
✅Panatilihing malinis ang mga kagamitan sa pagluluto.
✅Siguraduhing lutong na lutong ang karne, isda, at manok bago kainin.
✅Iwasan ang pagkain na may amoy o itsura na hindi normal.
✅Itago ang pagkain sa tamang temperature upang maiwasan ang pagkasira.
Maging responsable sa pagpili at paghahanda ng pagkain para sa kalusugan ng buong pamilya!
#FoodSafetyAwarenessWeek #TatakOMMC #OMMCPublicHealthUnit
Libreng Rabies Vaccination Drive!
Ang Public Health Unit (PHU) ng Ospital ng Maynila Medical Center, kasama ang City of Manila - Veterinary Inspection Board, katuwang ang Barangay 701 Zone 77 ng Distrito V, ay nagsagawa ng libreng bakuna laban sa rabies para sa mga aso at pusa ngayong October 21, 2025, sa barangay hall ng Brgy 701.
Ang aktibidad na ito ay bahagi ng selebrasyon ng World Rabies Day na may temang “Act Now: You, Me, Community” na ipinagdiriwang tuwing September 28 ng bawat taon.
Tips para makaiwas sa rabies sa hayop:
🐶Pabakunahan ang inyong alaga laban sa rabies.
🐱Siguraduhing may tamang impormasyon sa pag-aalaga at pag-iwas sa hayop na kahina-hinala.
🚫Iwasan ang pakikipag-ugnayan sa mga hayop na kahina-hinala o walang may-ari.
🧪Agad na magpatingin sa veterinarian kung sakaling makagat o makasalamuha ang hayop na posibleng rabies.
“Alaga’y pabakunahan, rabies ay iwasan!”
Maging responsable at protektahan ang kalusugan ng inyong minamahal na hayop at ng buong komunidad!
#WorldRabiesDay #tatakOMMC #OMMCPublicHealthUnit #ManilaVIB
National Mental Health Month
Bilang pakikiisa sa National Mental Health Month na ipinagdiriwang tuwing October, nagkaroon ng makabuluhang lay forum na pinangunahan ng Psychiatry Unit sa pangunguna ni Dr. Mary Caroline Azores T. Cobankiat, isang psychiatrist consultant at Ms. Cristeta M. Ventura, isang psychologist. Kasama rin dito ang Public Health Unit (PHU), si Dr. Robi Abanto mula sa Department of Family and Community Medicine, pati na rin ang mga Psychology interns mula sa Adamson University (AdU), at mga medikal na clerks at interns mula sa Pamantasan ng Lungsod ng Maynila (PLM).
Ang tema ng forum ay “Kalusugang Pangkaisipan ay alamin! Kailan at saan nga ba dapat magpaconsulta?” na naglalayong paigtingin ang kamalayan tungkol sa kahalagahan ng tamang pangangalaga sa kalusugang pangkaisipan.
Sa pagtitipon, tinalakay nila ang mga senyales na kailangang magpatingin sa isang mental health professional tulad ng pagiging palaging malungkot, pagbabago sa ugali, kawalan ng interes sa mga dating kinagigiliwan, at mga karamdaman sa pagtulog. Binibigyang-diin din nila na hindi kailangang maghintay hanggang sa maging malala ang sitwasyon, kundi dapat nang kumonsulta kapag nakararamdam ng matinding stress, anxiety, depression, o iba pang problema sa pag-iisip.
Narito ang ilang mahahalagang tips upang mapanatili ang mabuting kalusugang pangkaisipan:
1.Alamin ang mga sintomas: Mahalaga na alam mo ang mga palatandaan na nangangailangan na ng tulong—huwag mag-atubiling humingi ng suporta.
2.Magkaroon ng tamang oras para sa sarili: Maglaan ng oras sa pagpapahinga, pag-eehersisyo, at paggawa ng mga bagay na ikinatutuwa.
3.Makipag-usap sa mga mahal sa buhay: Huwag mag-atubiling magbahagi ng nararamdaman sa mga taong mapagkakatiwalaan.
4.Humingi ng propesyonal na tulong kung kinakailangan: Huwag mahiyang kumonsulta sa isang mental health professional kapag nakararamdam ng matinding paghihirap o pagkalito.
5.Panatilihin ang balanseng pamumuhay: Kumain nang tama, matulog nang sapat, at iwasan ang sobrang stress.
Layunin ng aktibidad na ito na paigtingin ang kamalayan at magbigay ng tamang impormasyon upang mas mapangalagaan natin ang ating mental health at mapanatili ang masaya at malusog na pamumuhay.
Global Handwashing Day 2025
Bilang pagtugon sa kahalagahan ng tamang paghuhugas ng kamay, sabay nating ipinagdiwang ang Global Handwashing Day ngayong Oktubre 15, 2025! Kasabay din nito ang pagdiriwang ng Nurses Week Celebration, kung saan binigyang-pugay natin ang ating mga frontliners sa pangangalaga ng kalusugan.
Nagkaroon tayo ng masayang handwashing demonstration na ginanap sa tono ng "Soda Pop," na pinangunahan ng Hospital Infection Prevention and Control Unit (HIPCU), Public Health Unit (PHU), Patient Safety Unit (PSU) , at mga nurses mula sa ER.
Bukod dito, nagsagawa rin nang handwashing demonstration sa bawat wards kinahapunan upang mas mapalawig ang kaalaman at tamang gawi sa paglilinis ng kamay.
Mga Tips sa Tamang Handwashing:
1. Hugasan ang kamay gamit ang sabon at malinis na tubig nang hindi bababa sa 20 segundo.
2. Bigyang pansin ang pagitan ng mga daliri, ilalim ng kuko, at ang likod ng kamay.
3. Gumamit ng alcohol-based hand sanitizer kapag walang sabon at tubig.
4. Huwag kalimutang itiklop ang mga daliri at punasan ang bawat bahagi ng kamay.
5. Maghugas ng kamay bago kumain, pagkatapos gumamit ng CR, at pagkatapos makipag-ugnayan sa maraming tao.
Ang tamang paghuhugas ng kamay ay isang mabisang paraan upang maiwasan ang pagkalat ng sakit at mapanatili ang kalusugan ng lahat. Sama-sama tayong magpalaganap ng kamalayan at gawing regular na bahagi ng ating pang-araw-araw na gawain!
#GlobalHandwashingDay #OMMCNursesWeek #OMMCPublicHealthUnit #OMMCHIPCU #OMMCPatientSafety
IN PHOTOS:
In celebration of World Mental Health Day, the Psychiatry Unit of Ospital ng Maynila Medical Center held a Mental Health Symposium at the OMMC Auditorium from 10:00 AM to 12:00 NN, with the theme:
“Love Stronger Than Death: Resilience and Hope in Depression and Cancer.”
This event highlights the importance of compassion, understanding, and emotional resilience in facing life’s most difficult challenges.
“KALUSUGANG PANG-KAISIPAN AY ALAMIN!
Kailan at Saan nga ba Dapat Magpa-konsulta?”
Speaker: Psychology Interns from Adamson University
Kailan: October 17, 2025 (Biyernes)
Oras: 10:00 AM
Lugar: Ospital ng Maynila – OPD (Waiting Area)
Bakit ka dapat dumalo?
Upang mas maunawaan ang kahalagahan ng kalusugang pangkaisipan
– Malalaman mo kung paano ito nakaaapekto sa iyong pang-araw-araw na buhay at relasyon sa ibang tao.
Matutuhan kung kailan at saan dapat humingi ng tulong
– Mahalaga ang maagang pagkonsulta upang maiwasan ang mas malalim na suliranin sa mental health.
Mawala ang stigma sa paghingi ng tulong
– Isa sa mga layunin ng talakayan ay ang pagbuwag sa maling paniniwala na kahinaan ang pagkonsulta sa mental health professional.
“Stress? Pagod? Nalilito? Oras na para unahin ang isip! Halina’t alamin kung kailan dapat magpatingin at bakit mahalaga ang mental health.”
Ngayong Oktubre ay ipinagdiriwang natin ang Filipino Elderly Week upang magbigay ng kaalaman sa tamang pangangalaga para sa ating mga lolo at lola.
Ngayong ika-9 ng Oktubre ay nagdaos ang Department of Family and Community Medicine sa pangunguna ni Dr. Jose Paolo De Castro, kasama ang Public Health Unit ng Ospital ng Maynila Medical Center, ng isang layforum na pinamagatang Golden Years: Gintong Alaga. Layunin nito na magbigay ng mga kaalaman kung paano tumandang masaya at mas makabuluhan ang ating pagtanda.
Ilan sa mga tips para sa malusog na pagtanda o healthy aging:
1. Panatilihing may ehersisyo tulad ng simpleng paglalakad
2. Kumain ng tama at angkop sa suhestiyon ng Pinggang Pinoy
3. Regular na magpa-checkup upang masubaybayan ang kalusugan
4. Sumali at makihalubilo sa mga aktibidad na nais pa rin gawin kahit sa pagtanda
Ang pagtanda ay hindi dapat katakutan, datapwat maari natin itong gawing makabuluhan at masaya upang makamit natin ang Gintong Alaga.
Sama-sama nating alamin ang mga kailangan malaman upang maalagaan ang ating mga nakatatandang kamag-anak, makinig sa "Golden Years, Gintong Alaga": Healthy Aging, Masayang Pamumuhay para sa mga Nakakatanda
Speaker: Dr. Jose Paolo M. De Castro
Kailan: Oktubre 9, 2025 (Huwebes)
Oras: 8:00 AM
Lugar: Ospital ng Maynila – OPD Waiting Area
Libre ito at bukas para sa lahat! Tuklasin ang mga dapat gawin upang Healthy Aging ay makamit!
"Ospital ng Maynila Medical Center invites you to a symposium entitled: “Love Stronger Than Death: Resilience and Hope in Depression and Cancer”
Speaker: Maria Cecilia Tuble, RC
Date: October 10, 2025
Time: 10:00 AM
Venue: BOMMC 10th Floor Auditorium
This seminar seeks to shed light on the profound challenges that most people face. More than just a discussion, this talk seeks to find hope in the midst of adversities, and that love is stronger than despair and fear."
Sa pangunguna ng Public Health Unit (PHU) kasama ang SLC Elite Medical Care, kasalukuyan pong ginaganap ang isang mahalagang seminar na naglalayong palawakin ang ating kaalaman sa makabagong medisina. Ang paksa ng seminar ay “Stem Cell: Advancing Solutions in Cancer Treatment, Regeneration, and Reproductive Health” — isang malalim na diskusyon ukol sa mga pinakabagong advancements at potensyal ng stem cell research sa pagpapabuti ng kalusugan ng tao.
Bilang bahagi rin ng aktibidad, nagsimula na ang ating kampanya para sa Breast Cancer Awareness Month ngayong Oktubre. Ang PHU ay nagbahagi ng mga pink ribbons bilang simbolo ng suporta, pagkilala, at pag-asa para sa mga kababaihang nagka-cancer, pati na rin sa lahat ng healthcare workers na nagtutulungan upang labanan ang sakit na ito.
Hinihikayat namin ang lahat na makiisa sa ating adhikain na palaganapin ang kaalaman, magbigay-suporta, at magsagawa ng mga hakbang para sa kalusugan. Sama-sama tayong magkaisa sa laban kontra cancer, at maging inspirasyon sa bawat isa na mag-ingat, magpabisa, at mag-share ng pagmamahal at suporta sa ating komunidad.
#TatakOMMC #OMMCPublicHealthUnit #BreastCancerAwarenessMonth
Ospital ng Maynila Medical Center
In celebration of Breast Cancer Awareness Month, we stand in unity to raise awareness, promote early detection, and support every warrior battling breast cancer. Together, let us strengthen advocacy, spread hope, and save lives.
Page updated
Google Sites
Report abuse