有一擺，阮爸半暝三四點起床啉（lim）水，落樓的時陣發現一樓的電火特別光，原來是因為冰箱門予人拍開，對（uì）邊仔看，發現遐徛（khiā）一个人，彼个人鬼鬼祟祟咧掀冰箱，伊著大喊「掠賊仔! 掠賊仔! 」。

　彼个賊仔真貪心，想欲提較濟烏魚子，看著阮爸走出來才兇狂（hiong-kông）走去，了後阮爸逐（jiok）出門  ，看著賊仔袂赴開走猶閣停佇外口的車，內底有真濟烏魚子。

　事後去報案，賊仔堅持毋認罪，但是阮媽感覺無損失錢水，想講着準拄煞（tsún-tú-suah）。後來才知影是賊仔撬（kiāu）開鐵門來偷提物件，彼陣嘛有真濟案件攏共款按呢。阮媽為著解決這个問題閣加裝一扇門，莫予這款案件閣再發生。 

華語釋義

　有一次，我爸半夜三四點起床喝水，下樓的時候發現一樓的燈光特別亮，原來是因為冰箱門被打開，往旁邊一看，發現那裡站著一個人，那個人鬼鬼祟祟地在翻冰箱，他就大喊「抓小偷！抓小偷！」。

　那個小偷很貪心的想要拿更多烏魚子，看見我爸跑出來才倉皇跑走，之後我爸追出門，撞見小偷因為來不及開走還停在外面的車，裡面有很多箱烏魚子。

　事後去報案，小偷堅決不認罪，但我媽覺得既然沒有損失錢財，便不再追究。後來才知道小偷是透過撬開鐵門來行竊，而那時候還有很多類似的案件也是這樣。我媽為了解決這個問題，還再加裝一層門，防止類似案件的發生。

【記錄者：（閩）施亭妤；（華）吳芊頤、潘芸琪、施亭妤 】

        阮爸有一个真好的朋友有一改來買烏魚子，伊選定一个較細塊的烏魚子，阮爸著提去秤重，秤完決定好價數了後，這位人客著希望阮爸會當共伊包裝，但是包裝的紙盒（tsuá-a̍p）佇後面，阮爸著越頭去另外一爿提盒仔，這時阮爸的目尾䀐（siam）著人客趁這時陣共伊的烏魚子偷換做較大塊的，但是伊嘛無想欲黜（thuh）破這个老主顧，越頭了後，著講：「歹勢，我拄才敢若烏魚子秤毋著，我閣秤一擺。真正足歹勢～」

　經過這个代誌了後，會當予人感受著這間店的人情味，佮老練的世情道理。

華語釋義

　老闆有一個非常好的朋友有一次來買烏魚子，他選定了一個比較小塊的烏魚子，老闆就拿去秤重，秤完決定好價格後，這位客人就希望老闆能幫他包裝，但包裝的紙盒在後面，老闆就轉頭去另一邊拿盒子，此時老闆的餘光瞄到客人趁這時偷偷調換成比較大的烏魚子，但他也不想戳破這個老主顧，回頭後，便說了：「抱歉，我剛才烏魚子好像秤錯了，我再秤一次。真的很抱歉餒～」。

經過這個事件後，可以讓人感受到這間店的人情味以及經驗豐富帶來的處事之道。

【記錄者：（閩）施亭妤；（華）吳芊頤 】

　　頭家娘講有一擺一个爸爸𤆬（tshuā）國校三四年的後生來買烏魚子，爸爸咧共頭家娘參詳講欲買啥物款的烏魚子，講一下了後手著伸（tshun）去篩仔偷提（thau-the̍h）烏魚子，當場佇伊後生面頭前做這款代誌。頭家娘原本毋知，是𪜶離開了後才發現篩仔頂懸有一片烏魚子予人偷提去。毋過事後嘛無去追查（tui-tsa），只是想講爸爸成做囝仔的歹𤆬頭真毋好。

華語釋義

　　老闆娘說有一次一位爸爸帶著國小三、四年級的兒子來買烏魚子，爸爸在和老闆娘討論要買烏魚子時，講一講後便把手伸向放烏魚子的地方，當場在兒子的面前行竊。老闆娘原本不知道，他們走後才發現板子上的烏魚子被偷拿走一片。但事後也沒有去追查，只覺得爸爸成為兒子的壞榜樣很不好。

【記錄者：（閩）吳芊頤；（華）潘芸琪 】

　　少年頭家講，阮媽一開始開烏魚子店，著恬恬的做，到我接的時陣，可能我有較大的野心（iá-sim），著較有目標（bo̍k-piau）佮規劃（kui-uē），對𪜶老一輩來講著會較臭煬（tshàu-iāng）。

 　　閣佇交接的過程中，因為立場無仝，定定相觸（sio-tak），毋過我著佮阮兜人講，恁會使予我意見，但是我是負責(hū-tsik)人，所有代誌攏是依我來做最後的決定。 所以做生理（sing-lí）是愛理性（lí-sìng）的，因為伊佮感性（kám-sìng）永遠是一个袂交集的物件，而且顧著逐家人的情緒（tsîng-sū），目標是做袂好的。 

　　猶毋過有時經驗嘛是有差。親像阮兜篩仔誠濟，曝烏魚子的時陣，著毋知為啥物阮媽就欲囥甲滿滿滿（muá），我著是遮囥予較làng，遐囥予較閬，會使風焦（hong-ta）著好矣。 但是阮媽就講，你著囥較滿，若有人過，共你偷挈（khe̍h）去，遐著會一塊一空，你著知影有人偷挈去。遮著是𪜶的經驗。

華語釋義

　　老闆說，老闆娘那一輩在做烏魚子時，一開始都只安靜的做鄰家的生意；而到我接手的時候，可能我有比較大的野心，所以更有目標跟規劃，無法滿足於低調做生意的模式，而這樣的行為對老一輩而言就會比較張揚。

　　且在接手家中烏魚子生意的時候，因為與上一代立場不一致，也產生很多磨擦，不過我也和家人溝通過，對於他們的意見我會聆聽，但是否採納，及最終的決定，仍是由我這個負責人全權決定。所以做生意的時候要理性，因為理性和感性永遠是不會相交集的，且若要顧及所有人的情緒，目標是永遠無法達成的。

　　不過有時候前人的經驗仍有其重要之處。舉例來說，我們家有很多瀝乾烏魚子的板子，在曝曬烏魚子的時候，過去老闆娘就會把烏魚子鋪滿整個板子，而我則是擺放的較為鬆散，反正只要能風乾就好。但老闆娘說，若是排放的整齊緊密，有人經過偷拿一塊就會出現空隙，對於是否有人順手牽「魚」則可一目了然。

　　這就是他們的經驗。

【記錄者：許維晨、李柏宏 、蘇易達、張舒喻 】

　　有一年，阮媽較早的厝邊朋友來店裡，伊問阮媽：「這時陣敢有烏魚子無？」伊講伊這馬欲買，等咧欲掃墓（sàu-bōng） 的時陣愛提去拜拜。

　　頭家娘講：「你掃墓哪會想欲買烏魚子？」其實彼個厝邊的朋友𪜶小妹已經過身（kuè-sin）足久矣，伊共頭家娘講：「昨昏阮小妹託夢共我講，舊年去拜拜買的彼个烏魚子足好食欸，有交代我今年欲拜拜的時陣愛買烏魚子啦！」　

　　少年頭家是當事人（tong-sū-jîn），伊感覺有一點仔神奇，但是嘛感覺伊無需要去騙人，經過這個代誌了後，少年頭家認為這個感情已經超過陰陽兩界矣。

華語釋義

　　有一年，我媽早時鄰居的朋友來店裡，他問我媽：「這個時候還有烏魚子嗎？」他說他現在想要買烏魚子，當作等一下掃墓的供品。

　　老闆娘說：「你掃墓的時候怎麼會想買烏魚子？」其實很久之前，那個鄰居朋友的妹妹就過世了，他跟老闆娘說：「昨天我妹妹託夢給我，說去年買去當供品的烏魚子很好吃，有交代我，今年要去拜拜的時候要買烏魚子啦！」

　　葉大哥是當事人，他覺得有一點靈異，但是也覺得那個鄰居朋友不需要騙人，經過這件事以後，他認為這份感情已經超過陰陽兩界了。

【記錄者：（閩）王靖琳；（華）張詩涵、王雪怡】

　　金利烏魚子嘛有一个特殊的故事，著是烏魚子生理較好的時陣會請厝邊的囡仔來鬥相共，這嘛是聯絡厝邊感情的一種方式，所以厝邊的囡仔攏會共阮媽問講：「哥哥遐敢有工課會使做？」我會予𪜶一寡仔工資，請𪜶做一點仔較輕鬆的工課，譬如講：共烏魚子囥入袋仔，抑是做一寡仔家庭代工，我感覺這嘛是一種厝邊頭尾相照顧的方式 （hong-sik） 。

華語釋義

　　金利烏魚子店也有一個特殊的故事，就是在烏魚子的生意比較好的時候會請鄰居的小孩來幫忙，這也是一種聯繫鄰居感情的方式，所以鄰居的小孩都會問我媽：「哥哥的店裡有沒有工作可以做？」我會給他們一點零用錢，請他們做一點比較輕鬆的工作，譬如說：將烏魚子放入袋子或是做一些家庭代工。我覺得這也是一種鄰居間互相照顧的方式。

【記錄者：（閩）王靖琳；（華）張詩涵、王雪怡 】