ՀԱՅՏԱՐԱՐՎՈՒՄ Է ԳՐԱԿԱՆ ՄՐՑՈՒՅԹ

#ՆՈՐ_ԱՆՈՒՆՆԵՐ_2026

Քիչ չեն այն դեպքերը, երբ ստեղծագործող անհատը այդպես էլ ընթերցող հանրությանը չի ներկայացնում իր գործերը կամ էլ դա անում է խիստ ուշացած:

Կան նաև դեպքեր, երբ ստեղծագործող անհատը ուշ է գրիչ վերցնում և կաշկանդվում է՝ ընթերցողին ներկայանալու առումով:

Հենց վերոբերյալից ելնելով էլ 2024-ի հունվարին առաջարկվեց այս մրցույթը՝ հայերեն ստեղծագործողին աջակցելու և գրական դաշտում նոր անուններ բացահայտելու նպատակով:

Գրական մրցույթն ունի մեկ անվանակարգ. յուրաքանչյուր հայտ ներկայացնող կարող է մեր էլեկտրոնային հասցեին ուղարկել մեկ պատմվածք, նովել, էսսե կամ հեքիաթ (առավելագույնը 10-15 էջի սահմանում, MS Word, 12 տառաչափով, 1.15 բացակներով)։

Ցանկալի է, որ տեքստը լինի սրբագրված։

Մասնակիցների տարիքային սահմանափակում չկա:

Ստեղծագործությունների թեմատիկ սահմանափակում չկա:

Պայմանը՝ մասնակիցը չպետք է ունենա տպագրված գիրք։

Սահմանված է 6 մրցանակ.

1-ին մրցանակ – 299 000 դրամ

2-րդ մրցանակ – 200 000 դրամ

3-րդ մրցանակ – 100 000 դրամ

Խրախուսական երեք մրցանակ՝ յուրաքանչյուրը – 50 000 դրամ:

Ստեղծագործությունները կգնահատի նախապես ընտրված հանձնախումբը։

Գործերը կարող եք ուղարկել հետևյալ էլհասցեով՝ noranunner@gmail.com :

Հետադարձ կապ պահելու համար ցանկալի է թողնել հեռախոսահամար:

Հայտերի ընդունման վերջնաժամկետը` 2026 թվականի ապրիլի 10։

Մրցույթի արդյունքների ամփոփումը և մրցանակաբաշխության հանդիսավոր արարողությունը, ինչպես նախորդ երկու տարիներին, տեղի կունենա մայիսի վերջին: / Այդ օրվա մասին էլփոստի միջոցով կծանուցվեն բոլոր հայցորդները/։

Նախորդ տարիների մրցանակակիրները, բացի խրախուսականներից, չեն կարող հավակնել մրցանակային տեղերի։

Արհեստական բանականության տեքստերը կստուգվեն հատուկ ծրագրով և չեն դիտարկվի։

Հաջողություն ենք մաղթում հայցորդներին:

Մրցույթի համակարգող՝ լեզվաբան, գրող

ԳԵՂԵՑԻԿ ՄԱՐԳԱՐՅԱՆ

Մրցանակաբաշխության հիմնադիր և հովանավոր՝

ՎԱՐԴԱՆՅԱՆ ԸՆՏԱՆԻՔ