ՀԱՅՏԱՐԱՐՎՈՒՄ Է ԳՐԱԿԱՆ ՄՐՑԱՆԱԿԱԲԱՇԽՈՒԹՅՈՒՆ՝

#ՆՈՐ_ԱՆՈՒՆՆԵՐ_2025

Քիչ չեն այն դեպքերը, երբ ստեղծագործող անհատը այդպես էլ ընթերցող հանրությանը չի ներկայացնում իր գործերը կամ էլ դա անում է խիստ ուշացած:

Կան նաև դեպքեր, երբ ստեղծագործող անհատը ուշ է գրիչ վերցնում և կաշկանդվում է՝ ընթերցողին ներկայանալու առումով:

Հենց վերոբերյալից ելնելով էլ 2024- ի հունվարին առաջարկվեց այս մրցույթը՝ հայերեն ստեղծագործողին աջակցելու և գրական դաշտում նոր անուններ բացահայտելու նպատակով:

Գրական մրցանակաբաշխությունը ունի մեկ անվանակարգ. յուրաքանչյուր հայտ ներկայացնող կարող է մեր էլեկտրոնային հասցեին ուղարկել մեկ պատմվածք կամ նովել (12 տառաչափով, 1.15 բացակներով, 10-15 էջի սահմանում, անպայման սրբագրված):

Մասնակիցների տարիքային սահմանափակում չկա:

Պայմանը՝ մասնակիցը չպետք է ունենա տպագրված գիրք։

Ստեղծագործությունների թեմատիկ սահմանափակում չկա:

Սահմանված է 6 մրցանակ.

1-ին մրցանակ – 299 000 դրամ

2-րդ մրցանակ – 200 000 դրամ

3-րդ մրցանակ – 100 000 դրամ

Խրախուսական երեք մրցանակ՝ յուրաքանչյուրը – 50 000 դրամ:

Ստեղծագործությունները կգնահատի նախապես ընտրված հանձնախումբը։

Գործերը կարող եք ուղարկել հետևյալ էլհասցեով՝ noranunner@gmail.com :

Հետադարձ կապ պահելու համար ցանկալի է թողնել հեռախոսահամար:

Հայտերի ընդունման վերջնաժամկետը` 2025 թվականի ապրիլի 10։

Մրցույթի արդյունքների ամփոփումը և մրցանակաբաշխության հանդիսավոր արարողությունը, ինչպես  որ #ՆՈՐ_ԱՆՈՒՆՆԵՐ_2024-ին էր, տեղի կունենա 2025 թվականի մայիսի վերջին: / Մրցանակաբաշխության օրվա մասին էլփոստի միջոցով կծանուցվեն բոլոր հայցորդները/։

Հաջողություն ենք մաղթում հայցորդներին:

Մրցանակաբաշխության համակարգող՝ լեզվաբան, գրող

ԳԵՂԵՑԻԿ ՄԱՐԳԱՐՅԱՆ

Մրցանակաբաշխության հիմնադիր և հովանավոր՝

ՎԱՐԴԱՆՅԱՆ ԸՆՏԱՆԻՔ