DINUSHA

මේ සුදු කෙල්ල මා නම් පෙර දැකලා නැති..

සුදු උන හැටි ඇයි කියලා දෙන්න බැරි..

අන්දරේට වැඩිය කපටි නැතුව ඇති..

කට වහගෙන ඔහොම ඉද්දි හරිම ගති..

කවිය: අනුරුද්ධ, February 2023

දග නම් හොදයි හුරතලයට හුරු වීම...

රුව නම් හොදයි සිරිකත මෙන් දිස් වීම...

නෙත නම් හොදයි ඉගිබිගි පා රැවටීම...

සහනය තමයි ඇය නැන්දගෙ දුව වීම…

කවිය: යසස්ශ්‍රී, February 2023

දිලිසෙන නයන නිල්මිණි කැට දෙකක් වගේ..

සියුමැලි සිනා මුව කෝමල සෙනෙහේ නැගේ..

අම්මව හොයන අසරණ ගොන් පැටියා වගේ..

අවිහිංසකයි මේ ආදරේට නිමක් නැතේ..

කවිය: අනුරුද්ධ, February 2023