CHAthuri

කිරි සුදු මූණ මැද ජබ්බු ගෙඩි නහය..

රැළි රැළි හැට්ටේ දෙපසින් බොත්තම් අටය..

ඇයි බැම මොකෝ උඩ ආච්චි වාගේය..

ආසන පටි නැතිනිසා ආ..මේ දඩ කොළය..

කවිය: අනුරුද්ධ, February 2023

යන එන ගුවන් පාලම හරි හරියට ගැස්සේ..

බැලුවම අහක කාවද ලස්සන දැක්කේ..

නන්විධ පියුම් රෑටයි නින්දට යන්නේ..

අහසේ නොසිට සඳ ඇයි පහළට බැස්සේ..

කවිය: අනුරුද්ධ, February 2023

ගැස්සෙයි කියා බිය වනු කිම  අයියණ්ඩිය ලඟ ඉන්නේ

බැලුවම අහක මවගේ පියකරු රුවමයි මම දැක්කේ

සේපාලිකා කඩුපුල් හෙම  රෑ නොවෙදෝ පුබුදින්නේ

සඳ බැස නොවේ ඒ නුඹ මගෙ  රුව දැක රැවටී ඇත්තේ

පිළිතුරු කවිය: චතුරි, February 2023