Lærum af sögunni

Nemendur skoða hvernig landamæri hafa breyst á stríðstímum. 

Verkefnið er unnið á vinnubókarsíðum í OneNote - Never Surrender - Samfélagsfræði.

Þetta verkefni er unnið á ensku: Hugarkort, vennmynd og bréf.

Heimahópar skapa tvær persónur frá átakatímabilinu sem fjallað er um í árganginum. Persónunum er lýst með hugarkorti á A3 blöðum (eitt blað fyrir hvora persónu).

Næst ber hópurinn saman persónurnar með vennmynd og skrifa stutta frásögn um hvernig þær kynntust.

Þriðji hluti verkefnisins er einstaklingsvinna. Nemendur skrifa bréf frá annarri persónunni til hinnar. Í bréfinu á að lýsa aðstæðum á átakatímabilinu frá sjónarhóli persónunnar, láta hana hafa skoðanir og tilfinningar gagnvart stöðunni og viðtakanda bréfsins.

Verkefnin eru hengd upp á veggi og bréfin eru birt í tímaritum heimahópanna.

Nemendur velja sér rannsóknarspurningu sem tengist átakatímabilinu sem þeir læra um. Afla heimilda og skrifa ritgerð, blaðagrein, hlaðvarp eða annan texta þar sem rannsóknarspurningin er skoðuð frá ólíkum sjónarhornum og svarað með stuðningi heimilda.

Gagnlegt efni til að æfa heimildaritun:

• Orðspor 3, lesbók bls. 48-51.

• Orðspor 3, vinnubók bls. 36-37.

• Neistar 5. kafli bls. 96-115.