Preguntas frecuentes

Cando se publican as oracións?

Como estamos empezando, de momento, só imos subir as oracións dominicais, estarán subidas os sábados a mediodía.

Por que non se fan oracións diarias?

O noso equipo é pequeno e con poucos medios, a esperanza é a de ir aumentando publicacións pouco a pouco, a medida que a comunidade colabore e participe.

Como podo colaborar?

Hai moitos papeis nun proxecto coma este, podes ler, escribir, cantar, tocar ou crear e difundir o material dixital. Cadaquén en función dos seus gustos e capacidades, somos "un corpo", cada membro ten a súa función.

A que diocese pertencedes?

Somos un grupo transversal no que colaboran persoas de todas as dioceses de Galicia de calquera idade e condición, tanto laicos como cregos, de distintos movementos, parroquias, grupos ou colexios.

Como podo contactar?

Podes comunicarte connosco través do correo fagamosigrexa@gmail.com, estamos esperando calquera iniciativa e colaboración que queiras compartir, tanto de xeito individual como en grupo.