📢 KOMUNIKATU OFIZIALA

Mutrikuko Eskola Kirola: Herri Ituna

2025eko ekainaren 10ean, Mutrikuko Udala eta herriko kirol eragile nagusiek Eskola Kirolaren Herri Ituna sinatu dute, Mutrikuko haur eta nerabeen garapen integrala eta osasuntsua sustatzeko helburuarekin.

Itun honen bidez, sinatzaileek konpromisoa dute jarduera fisiko eta kirol hezigarri, osasungarri eta berdinzale bat garatzeko, haurren interes gorena erdigunean jarrita, egungo Eskola Kiroleko eredua babestu eta elkarlanean jardungo dutela.

Herri Itunaren bidez, ondorengo puntuak adostu dira:

• Multikirol programaren babesa: 6-12 urte bitarteko haurrek kirol anitz ezagutu eta esperientzia aberasgarriak bizitzeko aukera izango dute.

• Herriko kirol elkarteen inplikazioa: Kirol elkarteek antolatzen dituzten Kirol Eskolatan parte hartzen duten haurrek, Eskola Kirolean parte hartuko dute, herriko interes orokorraren alde eginaz.

• Udalaren babes instituzionala: Itun honek Udalean dauden alderdi guztien babes osoa du.

Ituna, Mutrikuko kirol politikaren oinarri izango da, urtez urte automatikoki luzatuko delarik, bestelako akordiorik hartu ezean.

Herriko kirol elkarteek, udalarekin elkarlanean, lanean jarraituko dute haurren ongizatea eta garapen integrala bermatzeko, kirola baliabide hezigarri gisa ulertuta.

Mutrikuko Eskola Kirola- Mutrikuko Udala eta kirol elkarteek osatzen duten Herriko Kirol Lan Mahaia

ORDAINKETA EGITEKO KONTUA: ES73 0081 4245 1500 0114 1222

HAURRAREN IZEN ABIZENAK JARRI KONTZEPTU BEZELA

ORDAINKETA UZTAILAK 18 BAINO LEHEN EGIN BEHAR DA ETA ORDAINAGIRIA EMAILEZ BIDALI

2025-2026 ikasturteko Eskola Kiroleko kanpainan jokabide protokolo hau martxan dagoela jakinarazten dizuegu. Eskola Kirolak Udalarekin eta beste kirol eragileekin onartutako HAUR ETA GAZTEEN IRUZKIN OLDARKORREN AURREAN JARRERA PROTOKOLOA aurkezten dizuegu. Protokoloa irakurtzeko aukera hemen.

Instalazioak ikusteko egi klik beheko botoian.