Helena

Helena (Graece Ἑλένη) in mythologia Graeca fuit uxor et

Menelai regis Lacedaemonis et Paridis principis Ilii. Habuit filiam nomine Hermione.

Fratres Helenae erant Castor

et Pollux Dioscuri et soror Clytaemnestra uxor Agamemnonis. Nonnulli Castorem Clytaemnestramque natos Tyndarei mortales fuisse putaverunt, sed Pollucem Helenamque natos Iovis immortales. Ledam dicunt duo peperisse ova, alterum impletum mortali, immortali alterum.

Helena nata Iove Ledaque est; primum Menelao regi Lacedaemoniorum nupsit, deinde Paridi filio Priami regis Teucrorum, ut primum ille illustri iudicio Paridis a Venere feminam pulcherrimam dono accepit. Vicipaedia