My reflections

Add your reflections about making the memrise course here. What was easy what was hard. What advice would you give to someone who might work on it in the future.

Add any other reflections you have about making the portfolio.

E nui te au tuanga apii i roto i teia apiianga o te CM211 tei akarongo, tei kite, tei tamou mai au te ka riro ei tauturu iaku i roto i te apii e pera i roto i te au putuputuanga taku e tomo ana ki roto i runga i te enua ko Mitiaro mei te vainetini. Kua mataora tikai au i teia apii, kua akaoraora mai i te au apii tei apiiia i roto i te CM111. Ko te tuanga toe e manga ta'i'i nei rai au koia oki ko te au tu takiato korero tukeke mei te intransitive e te transitive. I tetai taime kare e papu meitaki ana iaku, ka oki roa au ka karo ki roto i taku au notes. Kia raverave ra matou i te apii raverave no runga i te au tu takiato korero na roto i te anga i tetai tua no 'Te kana a Napaneka' kua maramarama mai i reira au.

Ko tetai tuanga apii ou taku i mataora koia oki ko te Memrise, te tuatau tikai no te apai i taau apii mei roto mai i taau i anga ei, kia rauka i te apai ki runga i tetai ngai ke (link) kia rauka i toou puapii i te kite mai. Kua reka au i teia apii. I te akamata anga kare au i mākirikiri roa, ka uiui roa au ki toku au taeake mei ia Ben raua ko Ake e pera te puapii kareka ra i teianei kua kite au e ka akapeea i te rave i te reira. Me oki au ki Mitiaro ka tamata au i te rave akaou i te reira ma te irinaki e kare te reira e ngaro. Te taitaia nei ra oki au i te tua o te kupe aorangi (internet) no te mea kare e mako roa ana te turanga i runga ia Mitiaro. Ko taku e taitaia nei me kare au e taangaanga putuputu i teia marama, ko te ngaro aea te reira.

Mataora tikai au i te angaanga kapiti ki toku au taeake ko te tuatau mataora roa atu i te angaanga pupu no te quiz. Kua riro te reira ei ravenga naku i te tamou i te au tuanga apii tei apii ia mai. Kua papu iaku e ka mataora taku tamariki apii i teia angaanga raverave i runga i te quizlet. Te irinaki nei au e ka mako ua te kupe aorangi i teia mataiti. Te anoano nei au i te rave i tetai iriiri kapua ki toku au puapii me oki au ki Mitiaro. Ko teia au marama tei rauka mai no roto i teia tuanga apii kua irinaki tikai au e ka riro te reira ei puapinga ki te au puapii e pera ki te anau tamariki. Ka akamaroiroi katoa au i to matou nga puapii toe kia apai i teia peapa apii me akamata akaou. Ka anoano ia rai kia marama te au puapii e ka akapeea i te taangaanga i te roro uira e te kupe aorangi.

Meitaki ranuinui e Akevai no te akaatinga i toou taime i te apii ia matou e pera katoa ki toou taeake ia Rolando. Kia akanui uatu rai te Atua i toou marama no te tauturu i toou iti tangata.