Að hugsa út fyrir kassann

Áður en hafist er handa við að nýta Makeymakey sem verkfæri í sköpunarvinnu og hönnun getur verið gott að þjálfa hugann í því að hugsa út fyrir kassann. Því meira sem nemendur tileinka sér lausnahugsun þeim auðveldara er það að nýta Makeymakey í þá vinnu þannig að hún gefi sem mest af sér fyrir þann sem á í hlut.

Hér að neðan eru æfingar sem hægt er að taka með nemendum til að þjálfa hugsunarflæði og opna á sköpun.

Þetta er ekki X, þetta er X

Til að virkja skapandi hugsun er gott að nýta hugarflæði þar sem unnið er með einfalda hluti en þeim gefin ný merking.

Nemendur velja hlut sem þeir finna í kring um sig og taka smá stund til að velta tilgangi hlutar fyrir sér, hvað

Dæmi:

Þetta er ekki glas, þetta er vasi.

Þetta er ekki penni, þetta er kökukefli.

Þetta er ekki flaska, þetta er rjómaþeytari.

Þetta er ekki sími, þetta er lesbók.

Kláraðu myndina

Verkefni eftir : Teresu Birnu Björnsdóttur kennara í Stapaskóla í Innri-Njarðvík

Tölvupóstur: teresa.b.bjornsdottir@stapaskoli.is

Verkefnið gengur út á að teikna hálfa mynd á Post-it miða. Viðtakandinn klárar myndina en hún má ekki vera það sem flestir telja vera augljósasta svarið. Myndirnar að ofan sýna grunnútlit fyrir hjarta, ský og sól en útgáfurnar í lokin eru mismunandi þar sem hugsað er út fyrir kassann.