Skipanir hjá skúlanum

Leinkja til dokumet, sum næmingar fáa tá teir byrja á skúlanum.

Single sign on

Vit brúka sama login til WiFi-netið og allar okkara kt-skipanir. Netið “NAM” skal brúkast til teldur, og “MOBIL” skal brúkast til telefonir og teldlar.

brúkaramerki
Tá tú loggar á netið, appina og á “Skrá”, skalt tú einans brúka brúkaramerki og loyniorð.

brúkaramerki@kambsdalur.fo
Tá tú loggar á Office, UMS og Office-forritini á telduni, skalt tú brúka fulla teldupostadressu og loyniorð.

Les meira um skúlaadressur og privat-adressur (ikki skrivað enn).

ums.kambsdalur.fo og appin

Ums verður nýtt til tímatalvu, at geva skúlatíng fyri, at føra/síggja fráveru og fráveruhagtøl. Eisini kanst tú broyta loyniorð. Í timatalvuni ber til leita eftir lærarum, næmingum og eisini skúlastovum.

Ums er knýtt til appina “Min skole app”, ið kann takast niður til bæði iphones og android telefonir.

OneDrive

OneDrive verður nýtt sum fílugoymsla og til fíludeiling. Eisini kanst tú upprætta skjøl beinleiðis í OneDrive.

Tú kanst synkronisera OneDrive við telduna soleiðis, at tú hevur beinleiðis atgongd til tilfarið í OneDrive á telduni eisini. Les meira her (ikki skivað enn).

skra.kambsdalur.fo

Skrá verður nýtt til skráseting av næmingatíð (skrivligar innlatingar). Á skrá sært tú, hvørjar uppgávur skulu latast inn. Lestrarætlanir og met síggjast eisini á skrá.

Outlook

Outlook er okkara teldupostskipan. Serliga umsitingin brúkar Outlook, tá boð skulu sendast til næmingar. Allir flokkar og øll hold eru upprættaði sum teldupost-listar í Outlook.

Í Outlook er ein kalendari, har blokkarnir í tímatalvuni eisini síggjast.

Office - office.com

Á office hevur tú atgongd til øll office forritini, eitt nú Outlook, Teams, OneDrive, Word v.m. Tú skalt taka office-pakkan niður á telduna, tí on-line útgávurnar av office forritunum hava ikki allar neyðugar funkur, sum krevjast til skúlaarbeiðið. Eitt annað er, at tá vit hava próvtøkur á skúlanum, er bara avmarkað atgongd til internetið. Tá ber eitt nú ikki til at rita inn á office.com.

Office forritini finnast eisini sum appir til telefonina, eitt nú Teams, Outlook, OneDrive, Word v.m.

Teams - Holdnotesbøkur/OneNote

Teams verður nýtt til samskifti, videofundir, uppgávuinnlating v.m. Øll hold hava hvør sítt toymi í Teams. Felagstoymi fyri allar flokkar eru “KT-vegleiðing næmingar” og “Flokkar 2021”.

Sum standard hava faktoymini eina rás, sum eitur Generel, har samskifti fer fram. Eisini er eitt øki, sum eitur “Filer” har lærarin og næmingar kunnu leggja tilfar í og deila felagsskjøl.

Eitt øki er til “Opgaver”, sum verður nýtt til innlatingar av uppgávum. Um lærarin hevur givið tykkum eina uppgávu fyri, so fáa tit eina áminning um hetta.

Hvørt toymi hevur eisini eina Holdnotesbók, har lærarin kann deila tilfar við tykkum. Tit hava eisini eitt øki, har tit kunnu skriva egnar notur. Holdnotesbókin er ein notesbók, sum kann latast upp í OneNote, sum tú fært við í Office-pakkanum, tá tú tekur hann niður á telduna. Tit hava atgongd til allar notesbøkur, sum tit hava latið upp í OneNote-forritinum - eisini aftaná, at tit eru liðug á skúlanum.

G.G. tit kunnu leggja alt tilfar í notesbøkurnar. Eisini kunnu tit printa skjøl beinleiðis til OneNote. Klippiamboðið á telduni er eisini sera hent at brúka saman við OneNote.

Page updated

Google Sites

Report abuse