Hoe geseënd is ek, om as hoof, voor te stap met 'n dinamiese personeel wat regtig OMGEE vir ons leerders; wat nie bang is om die ekstra myl vir hul te stap nie. Laerskool Laurus is 'n skool met 'n hart, en die mense wat deel is van die skool, is die hartklop daarvan!

Ons glo dat jou karakter " die sleutel tot sukses is" en daarom is die personeel gefokus op waardes wat leerders in staat stel om hul beste te doen-werketiek soos deursettingsvermoë, betroubaarheid en harde werk word daagliks beklemtoon. Balans is egter die wagwoord!

Hier kan elke leerder hom-of haarself ontdek in 'n omgewing van veiligheid en geborgenheid. Al verander so baie dinge in die samelewing en onderwys, staan ons nie terug vir enige uitdaging daaromtrent nie. Maak gerus 'n afspraak en kom vergewis u van Laerskool Laurus se unieke kwaliteite en dinamika!

Met dank

Ronelle Huysamen