На працягу многіх гадоў у ліцэі вялася работа па стварэнню этнаграфічнага кутка “БЕЛАРУСКАЯ ХАТКА”. Дзякуючы навучэнцам і выкладчыкам нашай навучальнай установы, былі сабраны экспанаты, якія адлюстроўваць жыццё і побыт нашых продкаў, іх культуру. Тут што ні экспанат, то гісторыя.

Ганчарныя вырабы, самаробны посуд, ручнікі, вышыванкі, саматканыя посцілкі, абрусы, прылады працы, сялянскае аддзенне і многае іншае даюць уяўленне пра тое, як жылі, працавалі нашы прабабулі і прадзеды.

На базе кутка праводзяцца экскурсіі, што дае магчымасць нашым навучэнцам яшчэ раз дакрануцца да духоўнай спадчыны беларусаў, пазнаёміцца з іх абрадамі і святамі,пашырыць свае веды па этнаграфіі.