Нам продкаў кемнасць захавала
Шмат весцяў дзіўных з быўшых год,
Хоць гэтых весці ўжо нямала
У няпамяць кінуў сам народ.
Усѐ ж яшчэ штось засталося
Унукам з прадзедаў жыцця...
Я. Купала
Ткацтва – самабытная мастацкая з’ява ў нацыянальнай культуры беларусаў. Гэта адзін з самых старажытных відаў мастацкага рамяства, які атрымаў надзвычай шырокае распаўсюджанне на тэрыторыі нашай краіны і на працягу шматлікіх стагоддзяў набываўся і перадаваўся з пакалення ў пакаленне. Менавіта ткацтва адлюстроўвае гаспадарчую дзейнасць народа, яго сацыяльнае становішча, прыналежнасць да пэўнай этнічнай групы і з’яўляецца паказчыкам узроўню культуры народа на пэўным гістарычным этапе яго развіцця.
Дадзены праект адлюстроўвае сістэму працы па вывучэнні традыцыйнага ручнога ткацтва ў Бярозаўскім рэгіѐне і дае неацэнную магчымасць для вывучэння традыцыйнай культуры і каштоўнасцей беларускага народа, якія ўплываюць на духоўную і матэрыяльную культуру сучаснасці.
Прылады працы для апрацоўкі лену
Прылады працы для прадзення
Састаўныя часткі кроснаў
Тканыя вырабы Бярозаўскага раёна