Kaj bu z mene

Si mi govoriju

da se ve trebam fest vučiti

kaj nam moral posle

teško delati.

A nišče ne razme

kak je meni v školi muka

pet, šest vur na meru sedeti

i bez volje poslušati.

Unda najrajši čez oblok vun gledim:

sonce greje, tičeki lepo popevaju…

Ve bi mam na ribičiju suknul,

sel si v svoj čon, par pruti postavil

i mozek na pašu pustil.

Al veliju da se od ribičije nebre živeti!

Mogel bi i mužikoš,

kak moj japa, biti.

S trubentom bi se važen pravil

i med deklami bi glavni bil.

Samo kaj se treba dosta pomučiti

ak očeš dober mužikoš postati.

Morti bi mi najbole bilo

da ostonem na poljoprivredi.

To bi i mojega dedeka razveselilo.

S traktorom mi je lepo na polju delati:

orati, sejati, kositi…

Tu se bar ništ ne trebam vučiti!

Kaj bu z mene dok velki zrostem?

To još ve nebrem znati.

Se se more lefko premeniti.

Al do unda se bum jo još čudaj put

kraj Bednje s prijotelji poigral,

ribe lovil, čonil i bez brigi užival.