開一个Google site來囥作業
咱利用Google site協作平台做網站來交作業
來遮登記你ê Google site 網址
作業1：漢字、羅馬字對照ê文本
作業2：掠字咍台語字型，tī WORD 寫一段台文
選烏體、圓體抑是粉圓kā下載，掠落來是zip格式，請安裝同時包含漢字頂懸ê拼音(POJ/TL選一个)、正爿ê拼音(HI/KN選一个，推薦KN)
先kā名寫tī字音選擇工具內底，確認羅馬字了後，Copy貼過去WORD內底，用拄仔安裝ê字型來顯示
作業3：時間軸Timeline
咱beh用 DesignCap來做
標題請khǹg 你 ê名（至少愛有羅馬字）
內容ê部分，至少5項，相片至少5張，標題佮說明文字請用台文
作業4：用Wordwall做一个台語語詞遊戲
先看一个範例 24節氣(by 宋詩婷)
做一个線頂台語語詞遊戲，分別用連結佮內嵌(embed) ê方式khǹg tī作業3內底
作業5：利用台灣百年歷史地圖看XX ê過去佮現在
作業6 ：相片輪播
至少攢5張相片（建議是橫ê），闊度佮懸度ê比例上好攏仝款
利用Google sites提供ê 圖片輪轉介面，kā相片囥入去，每一張相片寫說明文字
作業7：信望愛輸入法自訂詞庫
信望愛輸入法有自訂詞庫ê功能，點選「設定」--> 「編輯台語自訂詞庫」，系統會拍開TaigiUser.cin 這个檔案，會當用記事本來編輯
自訂ê詞條，愛寫tī %chardef begin 佮 %chardef end 內底，一个詞條一逝
請照輸入ê規範（(1)無hyphen、無聲調，(2)每一个音節ê聲母抑是第1个字母(假使彼个音節無聲母)），增加一筆至少3字ê語詞抑是詞組（會使考慮用某一个人ê名姓）
（所以至少兩个entries，當然，你mā通加寫幾个）
Koh囥兩張圖，分別是你ê自訂詞庫ê內容，佮用你自訂ê詞庫輸入ê實況
作業8：利用ChhoeTaigi ê查詢功能揣 ABB 型態ê語詞(A是形容詞)
ABB是台語構詞ê特色之一，其中，A是形容詞，B 擬聲，BB通常無法度單獨成詞
請照所分配ê詞kā完成，1932台日佮2011教典ê詞條請攏列出來，其他辭典若有台日佮教典以外ê詞條嘛列入來。設使你負責ê部份攏總無到5條詞條，請koh uì下跤揣一个詞來補充
作業9：判斷某一个語詞ê詞性
用一个至少有兩種無仝詞性ê語詞入去台語文語詞檢索系統查詢，kā查詢結果（ê部份）列出來（加教典的例句，差不多20的條例句），指出佗一个例句是啥物詞性
一个語詞ê詞性(part-of-speech,POS) 超過一个是真普遍ê情形，對台文抑是華文來講，有一寡語詞會當做動詞用，mā會當做名詞用。Mā有ê詞分別會當做副詞佮動詞用（親像「拍拚」），甚至有ê語詞ê詞性有三个抑是三个以上。
會使先用教典輔助，揣一个m̄-nā一个詞性ê語詞，用這个語詞入去台語文語詞檢索系統（愛注意ê是，20冬前收集ê語料，漢字用字無一定有照教育部ê規範）
例句揣出來了後，請用人工來判斷這个語詞tī這句例句內底ê詞性，會使利用中研院詞庫小組ê詞性標記系統來協助判斷（M̄-koh愛注意ê是，系統標註ê結果m̄是100%正確）
作業10：轉寫日本時代ê台文
日本時代，日本人用漢字寫台文，邊仔有用改過專門標註台語ê假名來標音，假名ê標音方式應該有參考白話字
請kā你分配著ê部份，漢字改用教育部規範用字，假名照伊ê發音改做台羅（基本上伊是用台北腔）
漢字字型
台灣楷體、台灣宋體、芫荽、辰宇落雁、Tauhu Oo、全字庫楷書（符合教育部規範筆劃）
Google sites/文件有支援台語文ê字型：Iansui(𬦰𪜶𣁳 m̄ a̍)、Huninn(𬦰𪜶𣁳 m̄ a̍)、WDXL Lubrifont TC(𬦰𪜶𣁳 m̄ a̍)、TASA Explorer(m̄ a̍)、TASA Orbiter(m̄ a̍)
Windows作業系統支援台羅ê字型：Times New Roman、Calibri、Segoe UI （Word 較好勢，其他無一定...）
台語輸入法
一音節詞條輸入方式：聲母+韻母+聲調(數字，1、4免寫) eg: tai5 -->台 tiong -->中
兩音節語詞輸入方式：聲母+韻母 eg: tsiahpng --> 食飯
三音節（包含）以上語詞輸入方式：
佮兩音節仝款 eg: tshutthauthinn -->出頭天
聲母（假使無聲母，改做韻母第一个字母） eg: tshthth -->出頭天 aab -->翁仔某
台語線頂辭典
台華辭典(POJ)
羅馬字ê部份，雖然輸出是白話字，m̄-koh輸入會使用台羅
輸入ê欄位若傷濟，對使用者會造成困擾，所以後來改做kan-na 一个輸入框，若beh用華文/台語漢字/羅馬字查詢，攏輸入tī仝所在
用羅馬字查詢，需要hyphen，會使無輸入數字聲調（輸入chiah8-png7/chiah-png/chia-png/tsiah8-png7/tsiah-png/tsia-png，攏會使揣著「食飯/chia̍h-pn̄g」
甘字典(POJ)
大寫表示文音，小寫表示白音
第一本台台字典
台語字典(POJ)
羅馬字輸入，若選「查入聲」，m̄管你是m̄是有輸入 -p/-t/-k/-h，查詢結果攏有 -p/-t/-k/-h
羅馬字輸入，若選「無聲調」，查詢結果會包括第1、2、3、4(-h)、5、7、8(-h)聲
羅馬字輸入，若選「用韻母查」，會當運用tī寫七字仔揣仝韻母ê漢字
台日大辭典(POJ)
林俊育長老kā日文解說翻寫做台文
原來是台日，經過翻譯，變做台台
以台北腔為主，用羅馬字查若查無，請kā羅馬字囥tī 「其他腔口」彼欄koh試看覓
某一个台語詞是m̄是戰後uì華語借來ê，台日大辭典提供真好ê線索（「雖然」查有，「游泳」查無）
教育部臺灣台語常用詞辭典(TL)
教育部訂ê台語書寫ê規範
目前有兩萬外詞條，未來會繼續增加（包括學科術語）
有提供regular expression ê查詢方式（功能khah強，m̄-koh對一般使用者小可仔困難）
教典僻智識(by 陳建中)
iTaigi(TL)
使用者會當貢獻詞條（需要經過審查）
一个華語詞若有幾若種台語ê講法，查詢者會當投票（順序就是根據投票ê結果來調整）
Khah新ê詞、通常咱khah慣勢直接uì華語借用ê詞、一般台語辭典khah揣無ê詞，會使來遮查看覓（伏地挺身、蒟蒻、防曬乳、...）
ChhoeTaigi(POJ/TL)
Kā現有ê台語線頂辭典盡量整合做伙來查詢，mā透過志工kā其他有代表性ê台語文本內底ê詞條做整理
有提供regular expression ê查詢方式
台語語詞檢索系統
KWIC ( Keyword in Context )、Concordancer
BNC corpus(英文)
中研院平衡語料庫(華文)
台語文語詞檢索系統(台文)(校內ê ip才通好用)
判斷詞性會當利用中研院詞庫小組斷詞系統(華文)做輔助
線頂ê台文語料
線頂台語冊
台語文記憶(校內ê ip才通好用)
其他補充