Paano Magpamiyembro sa Iwahori Multi-Purpose Cooperative: Isang Gabay Para sa mga Nagnanais Maging Ka-May-ari 

Published Jan. 9, 2026 | 10:00AM PHT

Bataan, Central Luzon — Patuloy na inaanyayahan ng Iwahori Multi-Purpose Cooperative (Iwahori MPC) ang lahat ng kwalipikadong indibidwal na nagnanais maging bahagi ng isang matatag, mapagkalinga, at makataong kooperatiba.

Bukas ang Iwahori MPC para sa mga nais magkaroon ng maaasahang serbisyong pinansyal, suporta sa oras ng pangangailangan, at aktibong pakikilahok sa mga programang pang-komunidad sa buong Central Luzon.

Sino ang Maaaring Magpamiyembro?

Ayon sa Iwahori MPC, bukas ang pagiging miyembro sa:

• Mga residente ng Central Luzon

• 18 taong gulang pataas

• Lalaki, babae, at bahagi ng LGBTQA+ community
  Walang diskriminasyon—basta may hangaring maging miyembro at ka-may-ari ng kooperatiba, ay malugod na tinatanggap.
  
  

Unang Hakbang: PMES o PMEW

Bago opisyal na maging miyembro, kinakailangang dumalo sa Pre-Membership Education Seminar (PMES) o Pre-Membership Education Webinar (PMEW).

Layunin ng seminar na ipaliwanag:

• Kung sino at ano ang Iwahori MPC

• Mga benepisyo, pribilehiyo, at obligasyon ng isang miyembro

• Paano gumagana ang kooperatiba
  
  

Schedule ng PMES (Face-to-Face):

• Tuwing Tuesday at Thursday

• 4:00 PM onwards

• Maaari ring mag-PMES anytime kung handa nang magpamiyembro at bukas ang opisina ng Iwahori MPC
  
  

PMEW (Online Seminar):

• Para sa mga walang oras pumunta sa opisina

• Anytime of the day, basta bukas ang Iwahori MPC
  
  

⏰ Paalala: Ang PMES/PMEW ay may validity lamang na 6 na buwan. Kapag hindi nakapagpamiyembro sa loob ng panahong ito, kinakailangang umattend muli ng seminar.

Ikalawang Hakbang: Membership Application

Matapos ang seminar, maaaring iproseso agad ang membership sa pamamagitan ng:

• Pag-fill out ng Membership Form

• Pagsumite ng requirements, tulad ng:

  • 2 pcs 2x2 picture

  • 1 pc 1x1 picture

  • 1 xerox copy ng valid government-issued ID na may 3 pirma

  • TIN Number/ID (kung mayroon)
    
    

Membership Packages ng Iwahori MPC

FULL PACKAGE – ₱5,230

Monetary Requirements:

• ₱4,000 – Share Capital

• ₱200 – Regular Savings

• ₱300 – Membership Fee

• ₱700 – Life Insurance (renewable yearly)

• ₱30 – ID
  
  

Paraan ng Pagbabayad:

• Online via GCash o bank transfer

• Over-the-counter
  
  

Pagkatapos magbayad, ibibigay ang passbooks:

• Share Passbook (Yellow) – para sa share capital at loan monitoring

• Savings Passbook (Blue) – para sa personal savings
  
  

Loan at Iba pang Pribilehiyo (₱5,230 Package)

• Kapag may minimum ₱4,000 share capital, maaaring mag-loan

• Maximum initial loan: ₱10,000, subject sa Credit Investigation (CI)

• Maaaring mag-file ng loan sa mismong araw ng pagiging miyembro
  
  

Loan Computation:

• Loanable amount = Share Capital × 2.5

• Hindi ito garantiya; dadaan pa rin sa 5C’s evaluation ng Loans Department
  
  

Loan Processing Time:

• 3–5 working days kung kumpleto ang requirements

• 5–7 days para sa mga bagong loaners dahil sa CI
  
  

Life Insurance at Savings

• Life Insurance Coverage: hanggang ₱100,000

  • Renewable yearly

  • Premium ay ibinabawas sa dividends
    
    

• Regular Savings Interest: 1.5% per annum

  • Minimum balance: ₱1,000

  • Kapag walang galaw sa loob ng 2 taon, magiging dormant ang account

  • ₱50 monthly dormancy penalty hanggang ma-activate muli
    
    

PROMO PACKAGE – ₱1,530

Inclusions:

• ₱1,000 – Share Capital

• ₱200 – Regular Savings

• ₱300 – Membership Fee

• ₱30 – ID
  
  

📌 Paalala:
Walang loan privilege sa package na ito dahil hindi pa umaabot sa ₱4,000 ang share capital. May obligasyon ang miyembro na kumpletuhin ang ₱4,000 share capital at ₱700 life insurance sa loob ng 6 na buwan.

Isang Hakbang Patungo sa Pag-unlad

Sa pamamagitan ng malinaw na proseso at abot-kayang membership packages, patuloy na binibigyang-daan ng Iwahori Multi-Purpose Cooperative ang mas maraming Pilipino na maging ka-may-ari, makinabang sa serbisyong pinansyal, at sabay-sabay na umunlad bilang isang komunidad.