Dantza taldearen 25. urteurrena zela eta, Iruña Taldeak barne gogoeta egin zuen eta bere proiektuari beste bultzada bat ematea erabaki zuen, horrela, Iruña Taldea Euskal Kultur Elkartea sortuz.

Aldaketa handia izan zen dantza taldearentzat kontuan hartzen badugu gainera, honekin batera egoitza aldaketa etorri zela. Egoitza aldaketa etorri zen bai, baina ez ginen urrutira joan. Dantza taldeak San Lorentzo kalearen 13.ean izan zuen ordura arte egoitza eta horrez geroztik San Lorentzo kale beraren 10ean kokatu zen. Aldaketa honek esfortzu handia suposatu zion hortik aurrera Kultur Elkartea izanen zen jatorrizko dantza taldeari, bai ekonomikoki eta baita lanari zegokionean ere. Izan ere egoitza berriko zaharberritze lanak auzolanean egin ziren gehienak.

2019. urtean Iruña Taldeak Aunitz Urtez saria sortu zuen. Iruña Taldeak pertsona, elkarte edo kulturaren zein kirolaren alorreko talde aipagarriak nabarmendu nahi ditu kultura eta bereziki euskara eta euskal kulturaren alde egiten duten edo inoiz egin duten lanengatik. Halaber, sari honen bitartez, «askatasuna, elkartasuna, asoziazionismoa eta kulturarteko integrazioa, besteak beste» aitortu nahi ditu.

Ez du maiztasun zehatzik, baina 2024az geroztik, abenduaren 3an, Euskal Herrian euskaraz dantza plazaratu eta gero ematen da, Iruña Taldeko egoitzan egiten den kantu bazkaria eta gero. Hauek dira orain arte izandako edizioetako hautagiak eta saridunak.