ਸਿੱਖਿਆ ਮੰਤਰੀ ਸ. ਗੁਰਮੀਤ ਸਿੰਘ ਹੇਅਰ ਜੀ ਵੱਲੋਂ ਜ਼ਿਲ੍ਹਾ ਪੱਧਰੀ ਖੇਡ ਸਮਾਨ ਵੰਡ ਸਮਾਰੋਹ ਸਮੇਂ ਸਰਕਾਰੀ ਹਾਈ ਸਕੂਲ ਮੌੜਾਂ ਦੇ ਪੰਜਾਬ ਚੋਂ ਜੇਤੂ ਚਾਰ(ਸੁੰਦਰ ਲਿਖਾਈ, ਭਾਸ਼ਣ, ਪੀ ਪੀ ਟੀ, ਕਲਾਸੀਕਲ ਡਾਂਸ) ਬੱਚਿਆਂ ਨੂੰ ਸਨਮਾਨਿਤ ਕੀਤਾ ਗਿਆ
ਇਸ ਸਮਾਗਮ ਦੌਰਾਨ ਮੌੜਾਂ ਸਕੂਲ ਦੇ ਬੱਚਿਆਂ ਦੁਆਰਾ ਯੋਗਾ ਆਈਟਮ ਦੀ ਇਸ ਵਿਸ਼ੇਸ਼ ਪੇਸ਼ਕਾਰੀ ਨੇ ਸਰੋਤਿਆਂ ਦੇ ਦਿਲ ਜਿੱਤੇ!
ਜ਼ਿਲ੍ਹਾ ਪੱਧਰੀ ਯੋਗਾ ਮੁਕਾਬਲੇ ਵਿੱਚ ਮੌੜਾਂ ਸਕੂਲ ਦੀ ਝੰਡੀ
ਸਕੂਲ ਮੁਖੀ ਸ੍ਰੀ ਰਾਕੇਸ਼ ਕੁਮਾਰ ਦੀ ਯੋਗ ਅਗਵਾਈ, ਮਨਜੀਤ ਕੁਮਾਰ, ਅਤੇ ਸੁਖਰਾਜ ਕੌਰ ਜੀ ਦੀ ਦੇਖ-ਰੇਖ ਵਿੱਚ ਸਕੂਲ ਦੇ ਚਾਰ ਖਿਡਾਰੀਆਂ ਨੇ ਭਾਗ ਲਿਆ ਅਤੇ ਸਾਰਿਆਂ ਨੇ ਆਪਣੇ ਆਪਣੇ ਜ਼ਿਲ੍ਹਾ ਪੱਧਰੀ ਮੁਕਾਬਲੇ ਜਿੱਤ ਕੇ ਮਾਤਾ-ਪਿਤਾ, ਸਕੂਲ ਅਤੇ ਅਧਿਆਪਕਾਂ ਦਾ ਨਾਮ ਰੌਸ਼ਨ ਕੀਤਾ !
ਸਰਕਾਰੀ ਸੀਨੀ ਸੈਕੰ ਸਮਾਰਟ ਸਕੂਲ ਮੌੜਾਂ ਦਾ ਅੰਗਰੇਜ਼ੀ ਅਤੇ ਸਮਾਜਿਕ ਸਿੱਖਿਆ ਮੇਲਾ ਸਾਰਥਿਕ ਅਤੇ ਸ਼ਲਾਘਾਯੋਗ ਹੋ ਨਿੱਬੜਿਆ!
ਸਕੂਲ ਮੁਖੀ ਸ੍ਰੀ ਰਾਕੇਸ਼ ਕੁਮਾਰ ਦੀ ਅਗਵਾਈ ਹੇਠ, ਅੰਗਰੇਜੀ ਵਿਭਾਗ ਤੋਂ ਮੈਡਮ ਰਾਜਵੀਰ ਕੌਰ ਅਤੇ ਗੀਤਾ ਸੂਦ, ਸ.ਸ. ਵਿਭਾਗ ਤੋਂ ਮੈਡਮ ਪਵਿੰਦਰ ਕੌਰ ਅਤੇ ਸ. ਅਮਨਦੀਪ ਸਿੰਘ ਦੀ ਸੁਚੱਜੀ ਦੇਖ-ਰੇਖ ਨਾਲ ਉਲੀਕੇ ਮੇਲੇ ਵਿੱਚ ਬੱਚਿਆਂ ਦੀ ਭਾਗੀਦਾਰੀ ਨੇ ਹਰ ਕਿਸੇ ਨੂੰ ਆਕਰਸ਼ਿਤ ਕੀਤਾ।
ਮੇਲੇ ਵਿੱਚ ਸ਼੍ਰੀਮਤੀ ਰਾਜਵਿੰਦਰ ਕੌਰ ਡੀ.ਈ. ਓ(ਸੈ. ਸਿੱ), ਮੈਡਮ ਸ਼੍ਰੀਮਤੀ ਵਸੁੰਧਰਾ ਡੀ. ਈ. ਓ.( ਐ. ਸਿੱ.), ਬੀ ਐੱਮ ਸਾਇੰਸ ਸੁਖਪਾਲ ਸਿੰਘ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ, ਉਹਨਾਂ ਬੱਚਿਆਂ ਦੀਆਂ ਪੇਸ਼ਕਾਰੀਆਂ ਅਤੇ ਸਮੁੱਚੇ ਸਟਾਫ ਦੇ ਮਿਲਵੇਂ ਉੱਦਮ ਦੀ ਤਾਰੀਫ਼ ਕਰਦਿਆਂ ਸਕੂਲ ਦੀ ਬਿਹਤਰੀ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ। ਇਸ ਮੇਲੇ ਵਿੱਚ ਮਨਜੀਤ ਕੁਮਾਰ ਹਿੰਦੀ ਮਾਸਟਰ ਜੀ ਦਾ ਆਦਿ ਮਾਨਵ ਜੀਵਨ ਮਾਡਲ ਅਤੇ ਪ੍ਰੇਮ ਸਿੰਘ ਢਿੱਲੋਂ ਸਾਇੰਸ ਮਾਸਟਰ ਦਾ ਹੂਬਹੂ ਈ. ਵੀ. ਐੱਮ ਨਾਲ ਵੋਟਾਂ ਕਰਵਾਉਣਾ ਖਿੱਚ ਦਾ ਕੇਂਦਰ ਬਣੇ ਰਹੇ।
ਇੱਕ ਅਹਿਮ ਪ੍ਰਾਪਤੀ(ਮਦਰ ਟਰੇਸਾ ਐਵਾਰਡ)
ਮਹਿਲਾ ਦਿਵਸ ਉੱਪਰ ਰੇਨਵੋਅ ਕਲੱਬ ਫਾਰ ਸਪੈਸ਼ਲ ਚਿਲਡਰਨ ਐੱਨ ਜੀ ਓ ਵੱਲੋਂ ਪਟਿਆਲਾ ਵਿਖੇ ਕਰਵਾਏ ਗਏ ਸਮਾਗਮ ਵਿੱਚ ਸਕੂਲ ਦੀ ਵਿਦਿਆਰਥਣ ਹਰਪ੍ਰੀਤ ਕੌਰ ਨੂੰ ਮਦਰ ਟਰੇਸਾ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ!
ਹੋਣਹਾਰ ਵਿਦਿਆਰਥਣ, ਮਾਪਿਆਂ, ਸਮੂਹ ਪਿੰਡ ਵਾਸੀਆਂ ਅਤੇ ਸਮੂਹ ਸਟਾਫ ਨੂੰ ਬਹੁਤ ਬਹੁਤ ਮੁਬਾਰਕਬਾਦ
