هەسارەی عەتارد

ئەمڕۆ هەردوو ئاژانسی (ئی ئێس ئەی) ئەوروپی و (جاکسا)ی یابانی لە هەوڵێکی نێودەوڵەتیدا پێکەوە دوو مانگی دەستکردیان ڕەوانەی هەسارەی عەتارد کرد. بەگەشتنی ئەم دوو مانگە دەستکردەش لە ساڵی 2025 ژمارەی ئەو مانگە دەستکردانەی کە سەردانی هەسارەکەیان کردووە دەبنە ٤ مانگی دەستکرد.

عەتارد تا ئێستا تەنها لەلایەن دوو مانگی دەستکردەوە سەردانی کراوە، کە ئەوانیش مارینێر 10 و مەسنجەر بووە. ئەمەش وایکردووە کە بەراورد بە هەسارە ناوەکیەکانی تر مرۆڤ کەمترین زانیاری لەسەر ئەم هەسارەیەی کۆمەڵەی خۆر هەبێت.