١٠ زانیاری خێرا دەربارەی هەسارەی عەتارد
Embedded Files
- عەتارد بچووکترین هەسارەی کۆمەڵەی خۆرە تەنها کەمێک لە مانگی هەسارەی زەوی گەورەترە.
- نزیکترین هەسارەیە لە ئەستێرەی خۆرەوە و تەنها 58 ملیۆن کیلۆمەتر لە خۆرەوە دوورە.
- عەتارد یەک خولانەوە بەدەوری خۆیدا بە نزیکەی 59 ڕۆژی هەسارەی زەوی تەواودەکات و بۆ تەواوکردنی یەک سوڕانەوە بەدەوری خۆردا پێویستی بە 88 ڕۆژی هەسارەی زەوی هەیە . کەواتە یەک ساڵ لەسەر ڕووی هەسارەی عەتارد نزیکەی یەک ڕۆژە.
- عەتارد هەسارەیەکی بەردینە و یەکێکە لە چوار هەسارە تاوێرییەکەی کۆمەڵەی خۆر (عەتارد – زوهرە – زەوی - مەریخ). عەتارد ڕوویەکی بەردینی ڕەقی هەیە کە چاڵوچۆڵی زۆری پێوەیە و زۆر لەسەر ڕووی مانگی هەسارەی زەوی دەچێت.
- عەتارد خاوەنی بەرگەهەوایەکی زۆر تەنکە کە پێکهاتووە لە گازەکانی ئۆکسجین ، سۆدیۆم ، هایدرۆجین ، هیلیۆم و پۆتاسیۆم ، سەرچاوەی پەیدابوونی ئەم گازانەیش لە ڕووی هەسارەکەوەیە (کاتێک ئەو بایانەی لە خۆرەوە هەڵدەکەن بەر ڕووی هەسارەکە دەکەون گەردیلەی ئەم گازانە لە چینی توێکڵی هەسارەکەوە بەرەو بۆشایی بەرزدەکەنەوە).
- عەتارد هیچ مانگێکی نییە.
- عەتارد خاوەنی هیچ هەڵقەیەک نییە.
- تەنها دوو کەشتی ئاسمانی سەردانی ئەم هەسارەیەی کردووە (مارینێر 10) لە ساڵی 1974-1975 و (مەسنجەر) کە سێ جار لە هەسارەکە نزیکبووەتەوە و دواتریش لەساڵی 2011 چووە خولگەوە بەدەوری هەسارەکەدا .
- تا ئێستا هیچ بەڵگەیەک بۆ بوونی ژیان لەسەر هەسارەکە نەدۆزراوەتەوە ، پلەی گەرمی سەر ڕووی هەسارەکە لە ڕۆژدا دەگاتە 430 پلەی سەدی و لە شەویشدا دادەبەزێت بۆ 180 پلە ژێر سفری سەدی. کە زۆر مەحاڵە هیچ زیندەوەرێک بتوانێت بەرگەی ئەم پلە گەرمییە بگرێت.
- ئەگەر لەسەر ڕووی هەسارەی عەتاردەوە تەماشایی خۆر بکەین ئەوا قەبارەکەی سێ هێندە گەورەتر لە ئاسماندا دەردەکەوێت بە بەراورد بە قەبارەی خۆر لە ئاسمانی زەویدا.
Google Sites
Report abuse