Embedded Files
Objetivu fundamental husi atividade monitorizasaun no avaliasaun ba eskola ne’ebe hetan ona lisensiamentu no akreditasaun hanesan atividade regular ida hodi halo asesmentu nune’e bele sukat kumprimentu eskola sira ba padraun sira depois hetan lisensiamentu no akreditasaun. Nune’e rezultadu hodi foti asaun ba melloria eskola sira bazeia ba rezultadu monitorizasaun no avaliasaun no mos eskola hirak bele sujeita ba prosesu akreditasaun wainhira eskola sira ne’e atinje ona padraun sira ka atinje ona kualidade
Monitorizasaun Supreza ba St. Jude Thadesus International school
Monitorizasaun Supreza ba St. Jude Thadesus International school
Dili, 26/02/2025
Ekipa Monitorizasaun Gabinete Avaliasaun Lisensiamentu no Akreditasaun sigla GALA konduz vizita surpreza ba eskola internasional st. Jude Thadeus iha Rua Vila-Verde, Dili ho objetivu atu hare'e diretamente kondisaun real iha eskola refere.
Husi vizita supreza ida ne'e ekipa halo observasaun direta ba eskola nia infrestrutura no fasilidade sira, mak hanesan biblioteka, laboratoriu, sala aula no seluk-seluk tan. iha momentu ne'e mos ekipa observa mos iha parte pedagojia no jestaun eskola refere.
Liu husi observasaun direta ne'e ekipa hetan katak eskola refere iha frakeza barak mak hanesan sala aula ne'ebe espasu la adekuadu no akumula estudante ne'ebe barak, jestaun biblioteka ne'ebe la adekuadu no seluk-seluk tan.
Husi rezultadu ne'e ekipa monitorizasaun sei halo analiza no rezultadu sei envia ba eskola refere hodi toma konsiderasaun.
https://sites.google.com/view/gala-me/monitoring/monitorizasaun-eskola-estranjeiru
Monitorizasaun ba Eskola de Gracya y Verdad International School
Monitorizasaun ba Eskola de Gracya y Verdad International School
Dili, 11/03/2025
Eskola de Gracya y Verdad International School hetan monitorizasaun husi ekipa monitorizasaun Gabinete Avaliasaun Lisensiamentu no Akreditasaun sigla GALA iha Tersa Feira, loron 11, Fulan Marsu, Tinan 2025.
iha biban ne'e kedan ekipa halo observasaun direta ba resintu eskola refere hodi halo asesmentu ba Infraestrutura no fasilidade, pedagojia no jestaun eskola sira.
Husi asesmentu ne'e ekipa konklui katak em jeral eskola refere nia infraestrutura no fasilidade la sufisiente ka adekuadu mak hanesan Espasu sala aula ki'ik ho volume estudante ne'ebe barak, laiha espasu ba esterna ne'ebe luan no seluk-seluk tan.
Husi ida ne'e ekipa halo intervensaun direta hodi orienta eskola atu tau atensaun ba frakeza sira ne'e no mos ekipa sei konklui rezultadu monitorizasaun no notifika eskola hodi kumpre ba melloria eskola tuir rekomendasaun husi rezultadu monitorizasaun.
https://sites.google.com/view/gala-me/monitoring/monitorizasaun-eskola-estranjeiru
Monitorizasaun ba Heritage Internasional School
Monitorizasaun ba Heritage Internasional School
Dili, 11/03/2025
Ekipa monitorizasaun Gabinete Avaliasaun Lisensiamentu no Akreditasaun sigla GALA kontinua halo monitorizasaun direta ba Heritage Internasional School hodi halo asesementu ba kondisaun atual eskola refere.
Husi monitorizasaun ne'e ekipa hetan katak akumulasaun estudante ho volume bo'ot ho espasu ne'ebe klo'ot prejudika movimentu estudante iha sala laran no seluk tan (detallus iha relatoriu). ho ida ne'e ekipa halo intervensaun direta hodi husu jestor eskola hadia kondisaun eskola refere no ekipa sei halo notifikasaun eskrita ba eskola hodi halo tuir rekomendasaun rezultadu monitorizasaun.
Monitorizasaun ba St. Mary's International School
Monitorizasaun ba St. Mary's International School
Dili, 12/03/2025
Ekipa monitorizasaun Gabinete Avaliasaun Lisensiamentu no Akreditasaun sigla GALA konduz atividade monitorizasaun ba St. Mary,s Internasional School iha Bebonuk, Dili no objetivu husi fundamental husi monitorizasaun ne'e mak oinsa atu hare'e diretamente kondisaun real iha eskola refere.
Husi vizita ne'e ekipa nota katak iha aspetu barak mak eskola refere seida'uk kumpre padraun minimu ne'ebe iha, Ezemplu ida mak espasu ne'e kiik ho akumulasaun estudante barak no uzu material hanesan meza no kadeira ne'ebe ho material ne'ebe la tuir padraun hatete.
Rezultadu husi monitorizasaun ne'e ekipa sei halo analiza no sei hato'o notifikasaun ba eskola refere hodi konsidera nune'e bele melloria liu tan iha futuru.
Page updated
Google Sites
Report abuse