Implementasaun prosedimentu

LOSPALOS, 28/04/2025 Gabinete Avaliasaun Lisensiamentu no Akreditasaun ( GALA ) Halo  Aktividade identifikasaun ba Pre Eskolar no Ensinu Baziku Timor-Leste Adventist internasional School (TAIS ) iha Suku Fuiloru, Lospalos no eskola refere halo ona submisaun dokumentu no tama ona ba iha faze analiza previa maibe antes atu kontinua ba prosesu tuir mai GALA hala'o uluk identifikasaun hodi hare diretamente kondisaun real eskola no mos konfirma fila fali tuir dadus ne'ebe hato'o iha dokumentu ne'ebe submete. Husi identifikasaun direta ba eskola ne'e hodi foka liu iha area infrestrutura no fasilidade sira  mak hanesan biblioteka, laboratoriu, sala aula no seluk-seluk tan. iha momentu ne'e  ekipa observa mos iha parte pedagojia no jestaun eskola refere. Liu  husi observasaun direta ne'e ekipa hetan katak eskola refere iha frakeza  barak mak hanesan Moru La iha,  Dapur no Refetoriu ba Alunu la iha, jestaun biblioteka ne'ebe la adekuadu no seluk-seluk tan. Husi rezultadu ne'e ekipa sei sei halo analiza ba dadus identifikadu sira no rezultadu sei envia ba eskola refere hodi toma konsiderasaun.

Viqueque, 28/04/2025 Ekipa Monitorizasaun Gabinete Avaliasaun Lisensiamentu no Akreditasaun (GALA) konduz prosesu identifikasaun  ba Pre Eskolar no Ensinu Baziku Timor-Leste Adventist internasional school (TAIS)  iha suku Caraubalo, Viqueque ho objetivu atu hare'e direitamente kondisaun real iha eskola refere. Husi vizita ida ne'e ekipa halo observasaun direita ba eskola nia infrestrutura no fasilidade sira mak hanesan esifisiu, biblioteka, laboratoriu, sala aula no seluk-seluk tan. Iha momentu ne'e  ekipa observa mos iha parte pedagojia no jestaun eskola. Liu husi observasaun direta ne'e ekipa identifika katak eskola refere iha frakeza barak hanesan konstrusaun edifisiu nebe seidauk remata, fasilidade eskola ba estudante sira menus no barak mak la iha. Eskola refere mos nia jestaun no pedagojia eskola la organizadu. Husi rezultadu ne'e ekipa monitorizasaun sei halo analiza no rezultadu sei envia ba eskola refere hodi toma konsiderasaun.

Eskola refere mos agora dadaun iha hela prosesu avaliasaun ba dokumentu aplikasaun ba lisensiamentu operasional no prosesu hirak ne'e nia kontinuasaun ba oin sei depende ba prosesu identifikasaun ne'ebe agora dau-daun ekipa halo hela.