DWC keppnisferðir
DWC er heimsmeistarakeppni í listdansi. Keppnislið DSA tekur þátt í undankeppni og í framhaldinu fara þau atriði sem ná lágmarkinu á aðalkeppnina í Evrópu.
Dansskólinn auglýsir hvernig valinu í keppisliðið er háttað hverju sinni. DSA hefur tekið þátt í DWC frá árinu 2019.
Er DWC fyrir mitt barn?
DWC er gríðarstór viðburður þar sem nemendur fá einstakt tækifæri til að fylgjast með og kynnast krökkum sem mörg eru atvinnumenn í dansi.
Umgjörðin er gríðarlega metnaðarfull - 120.000 krakkar taka þátt frá um það bil 70 löndum.
Nemendur hafa tekið þátt í opnunarhátíð í upphafi keppninnar og ferðalagið í heildina er um það bil 10 dagar!
Flest atriðin eru hópatriði sem þýðir að það er mikil skuldbinding sem fylgir því að taka þátt í undankeppninni því komist atriði áfram verður hópurinn allur að skila sér í keppnina
Ferðin er kostnaðarsöm. Hingað til hafa foreldrar farið með sína nemendur og í raun hver verið á sínum vegum. 2023 voru allir á sama hóteli en engin sérstök fararstjórn. Þessar ákvarðanir eru teknar af foreldrum keppnisliðsins í samráði við DSA. Nauðsynlegt er að foreldrar sjái fyrir sér að taka þátt í fjáröflun fyrir ferðina og að foreldrar séu tilbúnir til þess að leggja á sig vinnu í aðdraganda keppninnar.
Undankeppni DWC í Reykjavík
Dansskólinn velur keppnislið til að keppa fyrir hönd skólans í undankeppni DWC sem fram fer í Reykjavík venjulega á fyrsta ársfjórðungi.
Foreldrar skipta með sér verkum, safna styrkjum og undirbúa ferðina til Reykjavíkur.
Foreldrar vinna saman að því að gera nemendum kleift að taka þátt, sameinast í bíla en í raun er hvert barn á eigin vegum en foreldrar styðja við og hjálpast að við að gera nemendum kleift að taka þátt.
Það hefur ekki enn komið upp sú staða að nemendur gisti saman og að farin sé hópferð - en það getur vissulega breyst sérstaklega ef upp kemur sú staða að nemendafjöldinn sem taki þátt í keppninni verði fleiri en áður. Hingað til hafa á milli 17-25 nemendur farið í undankeppnina og áfram á heimsmeistarakeppnina.
Dance World Cup
Þegar ljóst er hvaða hópar komast áfram og inn í keppnina í Prague hefst skipulaging og fjáröflun fyrir keppnisferðina.
Foreldrar í samráði við DSA ákveða fyrirkomulag með fararstjórn og gistingu.
Foreldrar greiða gjald fyrir hvert keppnisatriði hvers og eins nemenda.
Keppnin fer venjulega fram um mánaðarmótin júní/júlí. Keppnin hefst á skemmtilegri opnunarhátíð þar sem um 100.000 keppendur marsera um götur þeirrar borgar sem keppnin fer fram í.
Fyrri hluti keppninnar er tileinkaður yngri keppendum.
Á meðan á keppni stendur er boðið upp á vinnustofur með færustu danskennurum Evrópu. Greiða þarf sérstaklega fyrir þessar vinnustofur.
Á viðburðinum geta nemendur keypt peysur, boli og ýmsan varning sem tengist keppninni. Gera þarf ráð fyrir kostnaði þess vegna.