Bekkjarfulltrúar
Af síðu Lækjarskóla
Hlutverk bekkjarfulltrúa er að stuðla að auknu samstarfi foreldra, kennara og nemenda innan hvers bekkjar.
Það er mikilvægt í góðu skólasamfélagi að foreldrar þekki hvort annað og þeir geti sammælst um ýmsar uppeldisreglur sem snúa að nemandanum s.s. útivistartíma, tölvu/símanotkun, hegðun, afmæli o.fl.
Bekkjarfulltrúar bera ábyrgð á að manna foreldraröltið og eru í samstarfi við Vitann.
Í hverjum bekk eiga að vera tveir bekkjarfulltrúar.
Stjórn foreldrafélagsins skal boða alla bekkjarfulltrúa til sameiginlegs fundar minnst einu sinni á vetri. (Bekkjartengla-kvöld)
Bekkjarfulltrúar hjálpa til við að skipuleggja félagsstarf með "sínum" bekk eða árgangi a.m.k. tvisvar yfir skólaárið í samráði við umsjónarkennara og/eða árgansstjóra. Þetta getur falist í því að sjá til þess að nemendur og foreldrar/forráðamenn geri eitthvað saman, t.d. fara á skauta, í keilu, grilla að vori o.þ.h. Bekkjarfulltrúi reynir að taka mið af áhugasviði nemenda og foreldra.
Hver bekkur skal skipa 2 fulltrúa
Fulltrúarnir geta skipulagt viðburði fyrir árganginn eða grunnskólastigin (yngsta- mið- og unglingastig)
Þeir eru ábyrgir fyrir foreldrarölti og passa upp á þátttöku síns bekkjar
Gott er að skapa vettvang til þess að ræða saman og skipuleggja viðburði
Skipuleggja á tvo viðburði, einn á haustönn og hinn á vorönn (þeir mega að sjálfsögðu vera fleiri)
Bekkjarfulltrúar þurfa að finna hvernig best sé að ræða saman og koma skilaboðum áleiðis
