Embedded Files
Eth 21 d'abriu arringuèrem es plantes d'iuèrn que quedauen en uart (escaròles, espinacs, caulets-flors...) e es males èrbes. Seguidament, comencèrem a remòir era tèrra en grops de tres persones, mès eth jardinèr der ajuntament venguec ara tarde a ajudar-mos e mos portèc un sac de hiems entà fertilizar eth nòste uart e deishar-lo perfècte entà trasplantar eth plantèr de primauera.
Eth dia 26 d'abriu venguec Jose, eth jardinèr der ajuntament, e mos ajudèc a plantar es jardinères deth pati. Portèc tèrra, flors e plantes aromatiques. Mos expliquèc com auíem de plantar-les e suenhar-les e, per parelhes, plantèrem es plantes vigilant que siguessen ben plaçades ath laguens dera tèrra. Entà acabar, les adaigüèrem totes damb fòrça aigua, pr'amor qu'era tèrra ère molt seca.
Es plantes que plantèrem son: "Clavel Chino, Gasánia, Tomillo Limón, Santolina e Lavanda".
Eth madeish dia pera tarde, es escolans e escolanes de P-3, P-4 e P-5 vengueren ara nòsta classe entà que les poguéssem explicar eth projècte "Eth nòste uart". Anèrem explicant as mès petiti dera escòla çò qu'auem hèt ath long deth cors.
Fin finau, baishèrem a ensenhar-les era compostadora e es vèrmes que mos ajuden a hèr eth compostatge tath uart.
Tanben acordèrem hèr er otèl d'insèctes damb eri.
Eth 5 de mai damb ajuda de Javier, eth nòste mentor, trasplantèrem es plantes deth plantèr ath uart. Prumèr, baishèrem totes es plantes ath pati e les classifiquèrem segontes siguessen mongetes, tomates, gimbert, carròtes...
Seguidament, comencèrem a trasplantar totes es mongetes e les meterem un garròt fòrça mès long.
Entà contunhar, trasplantèrem es tomates e, tanben, les metérem un garròt, mès aguesti èren mès cuerti. Tà acabar, trasplantèrem es carròtes, eth gimbert e es peberòts.
Fin finau, adaigüèrem totes es plantes damb fòrça aigua, pr'amor qu'eth uart ère fòrça sec.
Page updated
Google Sites
Report abuse