Embedded Files
Eth dia un d'hereuèr eth mentor venguec a guardar com auíem eth nòste uart e a explicar-mos ues causes:
En uart, mos expliquèc qu'auíem umitat en ivernatge e qu'es dies de solei o bon temps, peth maitin le descaperèssem entà que circulèsse er aire. Seguidament, mos expliquèc com auíem d'arremassar es fruts deth nòste uart. Ena classe, mos expliquèc qu'auíem de tier en compde era lua entà semiar, ac auíem de hèr en lua creishenta. Tanben quin tipe de tèrra auíem de méter, com per exemple, des tiems o dera compostadora. Entà acabar, mos diguec era quantitat de semes a méter e eth lòc a on plaçar eth plantèr.
Ara següenta setmana semièrem eth plantèr de primauera. Prumèr, ramplirem damb tèrra era meitat deth plantèr. Ara seguida, meterem eth seme o es semes qu'auiem escuelhut. Fin finau, acabèrem de ramplir-les damb mès tèrra, meterem es pannèus damb eth nòm, les adaigüèrem e les placèrem ath cant dera hièstra.
Es semes que plantèrem sigueren: peberòt italian, mongeta grana, mongeta de Bossòst, tomata pera, carròta ecologica, melon d'Albesa, gimbert, peberòt picant e tomata Marmande.
Ua setmana dempús, comencèren a brotoar es semes dera mongeta grana, dera tomata pera e dera mongeta de Bossòst. Encara qu'es autes non tardèren guaire en créisher tanben: eth gimbert, era carròta ecologica, era tomata Marmande e moltes autes mès.
Tot açò ei gràcies a que les auem cuedat fòrça, les auem adaiguat quan ère de besonh, les daue fòrça eth solei ena hièstra...
Ager, dia 28 de hereuèr, transplantèrem es plantes dera mongeta grana, dera mongeta de Bossòst e deth gimbert. Ac hérem pr'amor qu'auien creishut fòrça e es camères des mongetes queiguien peth sòn pes e se començauen a partir. Per aquerò, les meterem en pòts mès grani e les meterem uns garròts entà qu'era camèra poguesse contunhar creishent.
Ath gimbert li mancaue tèrra e espaci. Per aquerò le meterem en pòts mès grani.
Aué dia 16 de març, auem transplantat ues naues mongetes. Tanben auem transplantat era tomata pera e eth peberòt italian, mès non ac auem hèt d'ua manera senzilha: les auem desseparat entà que non se apilhèssen es arraïcs quan se hèsquen mès granes e entà que poguen créisher mielhor.
Les auem plaçat en ua auta taula pr'amor que non quedaue lòc tà méter mès pòts ena qu'auíem.
En tot tornar des vacances de Pasca, observèrem qu'en uart es espinacs auien creishut molt, per tant, les auerem de tornar a arringar. Tanben es escaròles estauen fòrça granes e veiguerem que en un caulet flor auie gessut eth frut.
Es mongetes auien creishut fòrça e auien gessut dus fruts e moltes floretes. Com estauen tan granes les auerem de trasplantar en pòts mès grani . Tanben semièrem es mongetes que mos auien sobrat, juntament damb es semes dera tomata Marmande que quedauen.
Page updated
Google Sites
Report abuse