EMPATÍA 360

O festival de curtas, organizado polo alumnado de 4º da ESO, ten como temática principal a "Empatía". Este tema foi seleccionado debido á necesidade de fomentar a empatía despois dos anos de pandemia, nos que os estudantes se viron sometidos a illamento nunha etapa crucial da súa adolescencia. O obxectivo principal do festival é recuperar e promover relacións saudables entre os estudantes, mellorar o clima escolar, promover a resolución pacífica de conflitos, desenvolver habilidades sociais e preparar aos estudantes para a diversidade.

Ao incorporar a empatía no currículo escolar e nas interaccións diarias na aula, o obxectivo é formar individuos compasivos, solidarios e empáticos. Crese que estes valores e habilidades serán fundamentais para construír un mundo mellor e máis harmonioso. A través da realización de curtametraxes, os estudantes terán a oportunidade de expresar as súas experiencias, reflexionar sobre os desafíos da empatía e compartir mensaxes de comprensión e solidariedade coa comunidade escolar e máis aló dela.

O festival de curtas non só promoverá a creatividade e a expresión artística dos estudantes, senón que tamén permitirá a sensibilización e reflexión sobre a importancia da empatía no contexto actual. Será unha oportunidade para que os estudantes exploren diferentes formas de contar historias e transmitir mensaxes poderosas, facendo uso das súas habilidades cinematográficas e narrativas.

Contamos cunha produción de máis de 60 minutos de curtas e animacións sobre as violencias machistas, a saúde mental, o bullying, a poesía, todas inspiradas na realidad e social na que vivimos e que preocupa ao noso alumnado. 

Na materia de Educación Plástica, incorporouse o uso do audiovisual, xa que é a mellor forma de comunicar que coñezo , esta está integrada na programación anual, realizando tanto o análise como produtos audiovisuais, animacións, curtametraxes e videocreacións. Todo isto traballouse en colaboración co departamento de Galego para corrixir guións , ou ecónomia para axudarnos a organizar o Festival Audiovisual . 

O proxecto "Empatía 360" combinou o poder da empatía mediante  curtas en formato 16:9,  e curtas en formato 360º, xuntando a tecnoloxía para crear curtametraxes e animacións para  realidade virtual que reflexaran as súas experiencias, desafíos e esperanzas relacionadas coa empatía e a conexión humana.

Este proxecto busca unir á comunidade educativa nun esforzo conxunto para crear un espazo de diálogo e reflexión sobre os valores fundamentais que contribúen á construción dun mundo máis xusto e solidario.

Profesora coordinadora: Luz Beloso.