Pazo de Ramirás
O Pazo de Ramirás, situado na Rúa Nova, foi un dos cinco Colexios dos Irlandeses que se abriron en España no século XVI. Porén, o actual edificio responde a unha reforma do século XVIII.
Denominación: Pazo de Ramirás; Pazo dos Irlandeses
Tipoloxía: Arquitectura pacega.
Cronoloxía: Século XVIII.
Uso: Antigo Colexio dos Irlandeses.
Localización: Rúa Nova, nº44.
Coordenadas: 42°52′41″N 8°32′39″W.
Propiedade: Privada.
No século XVI, durante o reinado de Isabel I en Inglaterra, moitos irlandeses víronse obrigados a fuxir a causa da súa persecución, constituíndo comunidades propias ao longo do continente que formaban o que sería o futuro clero de Irlanda. Thomas White solicítalle a Felipe III permiso para construír un colexio, fundado en 1605 e posto a cargo dos xesuítas. O colexio continuou funcionando ata 1770, desaparecendo a raíz da expulsión dos xesuítas decretada por Carlos III. Sobre as súas ruínas alzouse o actual pazo, no que aínda se atisban algunhas trazas do seu pasado irlandés.
A entrada, a modo de tríptico, conéctase coas plantas superiores mediante unha preciosa escalinata. Na primeira planta estivo a Cámara de Comercio, así como o Colexio de Licenciados en Filosofía e Letras e Ciencias, como pon nunha placa da porta. O xardín é un luxo en pleno centro histórico. O mobiliario do interior tamén é de destacar.
Situado na Rúa Nova, estivo parcialmente ocupado ata fai unha década, pois vivía unha muller na primeira planta. E ata fai dúas décadas, a segunda planta albergou a varios irmáns que, ao morrer, deixaron en herdanza a varios sobriños, que son os que están buscando unha saída que poña en valor esta pequena xoia.
Bibliografía:
https://cvc.cervantes.es/artes/ciudades_patrimonio/santiago/paseo/ramiras.htm, (consulta [21/02/2020]).
https://www.lavozdegalicia.es/noticia/santiago/2018/02/24/pazo-dos-irlandeses-joya-oculta/0003_201802S24C2991.htm, (consulta [21/02/2020]).
http://www.santiago-compostela-virtual.com/antiguo-colegio-irlandeses-pazo-ramiras/2-23-18-23.htm, (consulta [21/02/2020]).
Imaxes:
Jose Mario Pires / CC BY-SA 3.0, Pazo de Ramirás, Santiago-052, CC BY-SA 3.0.
Jose Mario Pires / CC BY-SA 3.0, Pazo de Ramirás, Santiago-054, CC BY-SA 3.0.