Pazo de Congresos de Galicia
O Pazo ou Palacio de Congresos e Exposicións de Galicia é unha grande infraestrutura destinada ao sector da organización e a acollida de eventos. Conta con diferentes zonas ou salas.
Denominación: Palacio de Congresos e Exposicións de Galicia.
Tipoloxía: Edificios institucionais.
Cronoloxía: 1990 -
Uso: Eventos.
Localización: Rúa de Miguel Ferro Caaveiro, s/n.
Coordenadas:
Propiedade: Descoñecida.
Foi proxectado polos arquitectos Alberto Noguerol e Pilar Díez na década dos 90. O edificio concíbese como un gran prisma baixo e pechado por grandes pezas de formigón. No centro, outro prisma forrado de pedra alberga dous auditorios enfrontados, sobresaíndo sobre o outro prisma, o que lle dá o seu perfil característico ao edificio. Arredor deste prisma interior, atopamos un vacío que funciona como antesala dos auditorios. Todas as salas de reunións de menor tamaño, así como a cafetería e os diversos despachos localízanse nos laterais maiores do rectángulo da planta. Os materiais interiores son diversos, como a pedra veteada, o metal, a madeira,…, destacando a cor natural dos mesmos.
Continuador da tradición de hospitalidade da cidade, o Pazo de Congresos e Exposicións de Galicia é un referente nacional e internacional no sector da organización e acollida de eventos. A súa infraestrutura innovadora e polivalente, así como o feito de que se sitúe no final do Camiño de Santiago, unha das urbes con máis tradición cultural e turística de Europa, convérteno nunha opción inmellorable para a realización de calquera encontro.
FONTES
http://www.palaciosantiago.com/?lang=es, (consulta [28/02/2020]).
http://www.santiagoturismo.com/arquitecturas-de-autor/464, (consulta [28/02/2020]).