Paseo fluvial do río Sarela
O Paseo do río Sarela é un roteiro que acompaña o curso dun afluente do río Sar.
O paseo, que conta cuns 10km en total, discorre entre frondosas árbores, antigas fábricas de curtidos e pontes de madeira.
Denominación: Paseo do río Sarela.
Tipoloxía: Espazo natural.
Cronoloxía: Século XXI.
Etiquetas: Parque fluvial.
Localización: Ribeira de San Lourenzo.
Coordenadas: 42°53′6″N 8°32′59″W
Propiedade: Pública.
Trátase dun paseo fluvial que corre paralelo ao río Sarela, non moi lonxe do casco histórico, e que permite constatar a importancia histórica que na articulación do territorio tiveron os cauces fluviais. Son de destacar as pontes, os muíños, as fábricas de curtidos, etc., que articulan o paseo. O sendeiro está sombreado por diferentes especies de árbores.
A ruta completa, duns 10 km, vai dende a ponte do Romaño ata a ponte da Amañecida, aínda que se poden facer algúns tramos máis pequenos. Durante o paseo crúzase dun lado ó outro do río, grazas ás pontes e pasarelas. Este espazo permite deixar de lado a cidade por un tempo e sumerxirse na natureza.
Bibliografía:
http://www.caminandoentresenderos.com/?p=7812, (consulta [12/02/2020]).
http://www.santiagoturismo.com/parques-e-xardins/paseo-fluvial-do-rio-sarela, (consulta [12/02/2020]).
https://www.verdantexperiences.com/es/blog/un-secreto-en-santiago-de-compostela-la-ruta-del-rio-sarela, (consulta [12/02/2020]).