Convento do Carme

O Convento do Carme foi o primeiro convento que tivo a orde das Carmelitas Descalzas en Galicia, fundado pola nai María Antonia de Jesús a mediados do século XVIII sobre terreos pertencentes aos condes de Priegue.


Denominación: Convento da Orde Católica das Carmelitas Descalzas.

Tipoloxía: Edificios relixiosos.

Cronoloxía: Século XVIII.

Etiquetas: Convento.

Localización: Rúa de Santa Clara, nº8.

Coordenadas: 42°53'07.2"N 8°32'29.1"W

Propiedade: Orde das Carmelitas Descalzas.

A fachada, típica do estilo carmelitano, mostra unha grande sinxeleza, destacando soamente unha imaxe da Virxe do Carme no interior dunha hornacina, obra de José Gambino, rematada por un frontón. Esta fachada contrasta totalmente coa de Santa Clara, situada case en fronte. A igrexa é de planta de cruz latina, mostrando no interior a sinxeleza que se anuncia no exterior. O retablo maior é do século XIX, de estilo neoclásico, e está presidido por unha imaxe da Virxe do Carme, obra de Fabeiro, discípulo de Ferreiro.

Ademais da vida contemplativa, as monxas ocúpanse do traballo doméstico, incluídos o coidado da horta e do galiñeiro, así como elaboran pan eucarístico e obxectos litúrxicos para as igrexas da cidade ou para fóra desta.


Bibliografía: