Capela da Pastoriza
A Capela da Nosa Señora de Pastoriza é unha pequena capela compostelá erixida entre os anos 1761 e 1762. Emprázase entre a Rúa dos Basquiños e a Travesa da Pastoriza.
Denominación: Capela da Nosa Señora da Pastoriza
Tipoloxía: Edificios relixiosos.
Cronoloxía: Século XVIII.
Etiquetas: Igrexa; Ben Patrimonial da Xunta de Galicia.
Localización: Travesa da Pastoriza, s/n.
Coordenadas: 42º53'15.9"N 8º32'15.9"W
Propiedade: Igrexa católica.
Foi erixida sobre unha antiga ermida na segunda metade do século XVIII e remodelada na primeira metade do XIX. A fachada neoclásica, obra de López Freire, érguese sobre un podio de escaleiras. A portada está flanqueada por pilastras monumentais, abríndose sobre ela unha ventá rectangular. Entre a ventá e o frontón sitúase un friso con triglifos e metopas. O frontón está presidido por unha espadaña e por dous pináculos. O interior, dunha soa nave, é de planta de cruz latina, cos brazos do cruceiro moi curtos.
Bibliografía:
https://compostelaverde.santiagodecompostela.gal/places/capela-da-nosa-senora-da-pastoriza/, (consulta [14/02/2020]).
https://www.turismo.gal/recurso/-/detalle/26185/capela-da-nosa-senora-de-pastoriza?langId=es_ES&tp=8&ctre=31, (consulta [14/02/2020]).