Reitoría da USC

O antigo Colexio de San Xerome é un dos catro edificios que flanquean a praza do Obradoiro, situado na súa parte sur. Actualmente é a sede do reitorado da USC.

Nome: Colexio de San Xerome

Sigla:

Tipo: Colexios maiores

Datas (Fundación): ca. 1521

Fundador: Alonso III de Fonseca

Sede: Colexio de San Xerome

Dirección: Praza do Obradoiro,

15704 Santiago de Compostela

Coordenadas: 42°52'48.7"N 8°32'43.8"O

Páxina Web:

Entidade Superior:

A institución orixinal naceu a comezos do século XVI como unha residencia para estudantes pobres e artistas, fundada por Alonso III de Fonseca. A súa fundación foi posible pola dispoñibilidade do edificio e das rentas do vello hospital de peregrinos da cidade (o de Santiago o Maior), situado en Azabachería, o cal perdeu a súa función trala fundación do Hospital Real dos Reis Católicos. O Colexio foi ubicado, así, en Azabachería, cambiando a mediados do século a titularidade de Santiago o Maior a San Xerome, pasando a ser dependente do Colexio de Fonseca, construído a mediados de século.

A mediados do século XVII, foi demolido, sendo trasladado o Colexio á súa ubicación actual, con Peña de Toro e Bartolomé Fernández como arquitectos principais, conservando algúns elementos do edificio vello. Un exemplo sería a portada gótica, que dá cara á praza do Obradoiro. Nas batentes dispóñense seis esculturas: Santiago o Maior, San Xoán Evanxelista, San Francisco de Asís, San Pedro, San Pablo e Santo Domingo de Guzmán. No tímpano atopamos á Virxe Inmaculada co Neno e, aos seus lados, San Miguel e Santa Catalina. Vemos como as advocacións se relacionan coa orixe hospitalaria do edificio. Tamén aparecen varios escudos relacionados coa figura de Alonso III de Fonseca.

Bibliografía:

Enlaces a datos e catálogos