Museo Pedagóxico de Galicia

Inaugurado en 2014, o MUPEGA converteuse no primeiro museo en España especializado en patrimonio pedagóxico desde o século XIX. Ao longo da súa existencia, organizou máis de 100 exposicións itinerantes, publicou máis de 50 traballos de investigación e levou a cabo eventos congresuais de carácter nacional e internacional.

As súas instalacións distribúense en tres plantas que albergan diversas exposicións permanentes e temporais. Na planta baixa, destaca unha exposición central que resume os contidos do museo, unha imprenta histórica chamada Minerva e unha galería de personaxes galegos influentes no ámbito educativo. A primeira planta está dedicada á infancia, ao profesorado, á inspección educativa, ás escolas fundadas polos emigrantes galegos en América, aos xogos e xoguetes, á educación especial e á evolución do sistema educativo. Na planta superior, atópanse áreas específicas dedicadas á Rede Mupega, á Educación Secundaria, á Formación Profesional e á recreación de aulas históricas.

O MUPEGA tamén desempeña un papel activo na investigación e na formación, organizando cursos para especialistas e eventos que promoven a reflexión sobre a historia e a evolución da educación en Galicia. A súa misión é preservar e divulgar a memoria educativa da comunidade, servindo como recurso didáctico para a sociedade en xeral e para a comunidade escolar en particular. 

Bibliografía:

• Museo Pedagóxico de Galicia. (s.d.). O museo. Recuperado o 15 de febreiro de 2024 de https://mupega.edu.xunta.gal/. 

• Museos de Galicia. (s.d.). Museo Pedagógico de Galicia (MUPEGA). Recuperado o 28 de febreiro de 2020 de https://museos.xunta.gal/es/mupega.

• Turismo de Galicia. (s.d.). Museo Pedagóxico de Galicia (MUPEGA). Recuperado o 28 de febreiro de 2020 de https://www.turismo.gal/recurso/-/detalle/32343/museo-pedagoxico-de-galicia-mupega-?langId=es_ES&tp=13&ctre=75,.

• Viéitez P., A. (25 de maio, 2019). Museo pedagógico de Galicia: un viaje por la aventura del saber. GCiencia. https://www.gciencia.com/destinos-ciencia/museo-pedagogico-galicia-mupega/. 

Imaxes:

1. Adrián Estévez (Estevoaei), Museo Pedagóxico de Galicia, CC BY-SA 4.0